ბითაძის პირველი ორმაგი დუბლი მიმდინარე სეზონში

გამთენიისას, ოკეანის გადაღმა nba-ს რეგულარული ჩემპიონატის მორიგი ტურის შეხვედრები გაიმართა.

ლიდერების გარეშე დარჩენილი “ინდიანა პეისერსი” რეგულალური ჩემპიონატის ლიდერს “ფენიქს სანს” დაუპირისპირდა და 103:113 დამარცხდა.

გოგა ბითაძემ პარკეტზე 35 წუთი გაატარა და ამ დროის განმავლობაში 16 ქულა, 11 მოხსნა და 2 ასისტი მიითვალა. მიმდინარე სეზონში ეს გოგას პირველი ორმაგი დუბლია.

“ინდიანას” 17 გამარჯვება, 30 მარცხი აქვს და აღმოსავლეთ კონფერენციაში მე-13 ადგილზეა.

მომდევნო შეხვედრას “პეისერსი” “ნიუ ორლეან პელიკანსის” წინააღმდეგ 25 იანვარს გამართავს.