ბასილაშვილმა ისევ მოიგო და ფედერერი ელოდება

ნიკოლოზ ბასილაშვილმა დოჰას მასტერსზე მეორე გამარჯვება მოიპოვა და მეოთხედფინალში გავიდა. ქართველი ჩოგბურთელი თანდათან ჩვეულ ფორმას უბრუნდება. ამჯერად, ნიკამ ტუნისელი მალიკ ჟაზირი საკმაოდ მარტივად, ორ სეტში – 6:2; 6:2 დაამარცხა.

ბასილაშვილის უპირატესობა თავიდანვე გამოიკვეთა. პირველ სეტში მან თავიდანვე ორი ბრეიქი შეასრულა და 5:1-ს იგებდა. მართალია, ტუნისელმა ერთი უკუბრეიქის გაკეთება შეძლო, მაგრამ ნიკამ იქვე მესამე ბრეიქპოინტიც შემოგვთავაზა და პირველი სეტი მოიგო.

მეორე სეიტიც იგივე სცენარით განვითარდა. ბასილას სამი ბრეიქი, რომელსაც ჟაზირის მხოლოდ ერთი მოყვა და ისევ 6:2.

ამრიგად, ნიკოლოზ ბასილაშვილი დოჰას მასტერსის მეოთხედფინალშია, სადაც მისი მეტოქე ლეგენდარული შვეიცარელი, დიდი სლემის ტურნირების 20-გზის გამარჯვებული როჯერ ფედერერი იქნება.

როგორც იქნა: ბასილაშვილმა მოგების გემო გაიხსენა

ნიკოლოზ ბასილაშვილი: ჩემი და იან დევიტის გზები გაიყარა