ანდრო ბითაძე იტალიაში გადავიდა

საქართველოს წყალბურთელთა ნაკრების ცენტრი ანდრია ბითაძე მომავალი სეზონიდან კარიერას იტალიურ „ორტიჯიაში“ გააგრძელებს.

26 წლის ქართველმა ცენტრმა სიცილიურ გუნდში სერბი პეტარ ველკიჩი უნდა შეცვალოს.

ბითაძე ბოლოს ბერძნულ „პანიონისში“ თამაშობდა. ისე კი, მას სხვადასხვა დროს ისეთ კლუბებში აქვს ნათამაშები, როგორებიც: “ბარსელონა”, “რომა ვის ნოვა” და ბელგრადის “ცრვენა ზვეზდა” არიან.

ბითაძეს საქართველოს ნაკრების შემადგენლობაში 5 ევროპის ჩემპიონატზე, მსოფლიო ჩემპიონატსა და მსოფლიო ლიგაზე აქვს ნათამაშები.