“ალ ნასრის” დაფერფლილი ოცნება? – რონალდუს ჩემპიონთა ლიგაზე თამაში სურს

ჟურნალისტი ნიკოლო სკირა გვაუწყებს, რომ შეთანხმება “ალ ნასრისა” და რონალდუს შორის არ ყოფილა. არაერთმა გავლენიანმა გამოცემამ დაადასტურა, რომ კრიშტიანუ წელიწადში 200 მილიონს აიღებს და 2.5 წლიან კონტრაქტს გააფორმებს, მაგრამ რონისგან დასტური არ ყოფილა.

სკირა კი ამბობს, რომ რონალდუსთვის ფული პრიორიტეტული არ არის და კონტინენტის შეცვლას დიდად არ განიხილავს. იტალიელი იტყობინება, რომ კრიშტიანუ გადაწყვეტილებას მუნდიალის დასრულების შემდეგ მიიღებს.

“SKY SPORTS DEUTSCHLAND”-ის ჟურნალისტი ფლორიან პეტენბერგიც იმავეს ამბობს და ამატებს, რომ პორტუგალიელი სუპერვარსკვლავის აგენტი, ჟორჟე მენდეში აქტიურად ეძებს ევროპულ ვარიანტს.