აი ეს არის ხელფასი: ლუკა დონჩიჩმა სარეკორდო სუპერკონტრაქტი გააფორმა

„დალასმა“ სლოვენიელ გამთამაშებელ ლუკა დონჩიჩთან 5-წლიანი სუპერმაქსიმალური კონტრაქტის გაფორმების შესახებ გამოაცხადა.

22 წლის კალათბურთელი 207 მილიონ დოლარს იშოვის ამ 5 წელიწადში. ახალი ხელშეკრულება 2027 წლამდეა ძალაში, იუწყება „მავერიკსის“ ოფიციალური საიტი.

207 მილიონი – ისტორიაში ყველაზე დიდი გარანტირებული თანხაა ახალწვეულის კნტრაქტის გაგრძელებისთვის. დონჩიჩს უფლება ქონდა გაეფორმებინა მსგავსი კონტრაქტი, რადგან უკვე ორჯერ გავიდა ნბა-ს პირველ სიმბოლურ ნაკრებში სამი სეზონის განმავლობაში.

გასულ სეზონში დონჩიჩი საშუალოდ მატჩში 27.7 ქულას, 8 მოხსნას და 8.6 გადაცემას აგროვებდა. მან თამაშიდან 47.9% და სამქულიანების 35% ჩააგდო.