აბუაშვილმა პორტუგალიაში ზედიზედ მეორე შეხვედრაში გაიტანა

ახალგაზრდა ქართველი ფეხბურთელი გიორგი აბუაშვილი, რომელიც თბილისის “დინამოს” აკადემიის აღზრდილია და ზაფხულს “პორტოს” შეუერთდა, პორტუგალიური კლუბის ასაკობრივ გუნდებში წარმატებით ასპარეზობს.

პორტუგალიის 19-წლამდელთა ჩემპიონატის მე-17 ტურის შეხვედრაში “პორტომ” “ჟილ ვისენტე” 6:0 გაანადგურა.

აბუაშვილი მოედანზე 67-ე წუთზე შევიდა და შესვლიდან 6 წუთში გოლიც გაიტანა, რითაც მატჩის საბოლოო ანგარიშიც დააფიქსირა.

შეგახსენებთ, აბუაშვილმა წინა წინა ტურის შეხვედრაში დუბლი მიითვალა. შუა კვირაში კი, ახალგაზრდულ ჩემპიონთა ლიგაზე ფერნანდო ტორესის მადრიდის “ატლეტიკოს” წინააღმდეგ ითამაშა.