ინგლისში საგიჟეთი მოაწყვეს: “სიტიმ”, რომელსაც ერთი ჩვეულებრივი გამარჯვება აკლდა ჩემპიონის ტიტულამდე, “მოახერხა” და თამაშის დასრულებამდე 20 წუთით ადრე 0:2-ს აგებდა. ზუსტად ამ მომენტში შეუშვა გვარდიოლამ გიუნდოგანი მოედანზე და მანაც არ დააღალატა არც მწვრთნელი და არც ქომაგები. გერმანელმა ორი გოლი გაიტანა, მის გოლებს შორის ერთი როდრიმაც შეაგდო და ჯამში 13-წუთიან მონაკვეთში “სიტიმ” დაუჯერებელი ქამბექი დადო, რის გამოც სავალდებულო 3 ქულა მიითვალა და ჩემპიონიც გახდა.
![](https://avoe.ge/wp-content/uploads/2022/10/Capture-6.png)
![This image has an empty alt attribute; its file name is 7UH6LLEAY7FD5HGYLIS7ODAYJE-1024x576.jpg](https://avoe.ge/wp-content/uploads/2022/10/7UH6LLEAY7FD5HGYLIS7ODAYJE-1024x576.jpg)
“ლივერპულსაც” ერთობ გაუჭირდა “ვულვზის” გატეხვა, თან “ეტიჰატიდან” კარგი ამბები მიდიოდა “ენფილდზე”, თუმცა მერე გატანილ გოლებს “ლივერპულისთვის” დიდი შვება აღარ მოუტანია.
![](https://avoe.ge/wp-content/uploads/2022/10/900x450_uploads20220522735df4d443.jpg)
გასარკვევი კიდევ იყო ორი რამ: მე-4 ადგილი “ტოტენჰემმა” უპრობლემოდ გაინაღდა და ამით მოსისხლე “არსენალს” აჯობა, რომელიც ევროპა ლიგაზე წავა. ევროპა ლიგაზე გამოვა მე-6 ადგილოსანი “მანჩესტერიც”, ხოლო “ვესტ ჰემს” კონფერენს ლიგა უწევს.
![](https://avoe.ge/wp-content/uploads/2022/10/1653242645_108_Norwich-0-5-Tottenham-Son-wins-golden-boot-as-Spurs-claim.jpg)
გასავარდნ ზონაში “ლიდსს” გაუმართლა, რომელმაც მსაჯის მიერ წამატებულ დროში მოიგო, ხოლო კონკურენტმა “ბარნლიმ” ვეღარ შემოაბრუნა თამაში “ნიუკასლთან” და გავარდა.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
![](https://avoe.ge/wp-content/uploads/2022/10/1653239762697.jpg)
„სიტი“ ინგლისის ჩემპიონი მე-8 გახდა.
„სიტიმ“ ჩემპიონობა მე-4 მოიგო ბოლო 5 წელიწადში.
გვარდიოლამ მე-4 მოიგო პრემიერლიგა, მან მოურინიოსა და ვენგერს გადაასწრო. უფრო მეტი ტიტული მარტო ფერგიუსონს აქვს – 13.
გვარდიოლამ მოიგო 32-ე ტროფეი სამწვრთნელო კარიერაში და მე-11 – ბოლო 6 წელიწადში „სიტიში“.
გვარდიოლა: “ჩვენ ლეგენდა ვართ, ჩვენ ვეხსომებით. ისეთ მეტოქეს, როგორიც “ლივერპულია” ცხოვრებაში არ შევხვედრილვარ”.
ფერნანდინიომ პრემიერლოიგა მეხუთედ მოიგო და დაეწია რუნის, ტერის და აგუეროს.
ალისონმა და ედერსონმა „ოქროს ხელთათმანი“ მოიგეს. მათ 20-20 მშრალი მატჩი აქვთ.
„მანჩესტერმა“ მე-9 დაასრულა სეზონი „სიტიზე“ დაბლა. ამჯერად სხვაობა – 35 ქულა.
სალაჰი საუკეთესო ასისტენტი გახდა (13 პასი) და სონთან ერთად ბომბარდირობა გაიყო – 23 გოლი.
სალაჰი სამჯერ გახდა პრემიერლიგის ბომბარდირი. მარტო ანრი იყო 4-ჯერ.
![](https://avoe.ge/wp-content/uploads/2022/10/liverpool-v-wolves-1024x626.jpg)
პრემიერლიგა – XXXVIII ტური
არსენალი – ევერტონი 5:1
ბრენტფორდი – ლიდსი 1:2
ბრაიტონი – ვესტ ჰემი 3:1
ბარნლი – ნიუკასლი 1:2
ჩელსი – უოტფორდი 2:1
კრისტალ პალასი – მანჩესტერი 1:0
ლესტერი – საუთჰემპტონი 4:1
ლივერპული – ვულვერჰემპტონი 3:1
სიტი – ასტონ ვილა 3:2
ნორვიჩი – ტოტენჰემი 0:5
GIPHY App Key not set. Please check settings