შეუჩერებელი ფუნტულისი:ოლიმპიაკოსმა დიდი ანგარიშით მოგვიგო

წყალბურთის კლუბმა თბილისის “დინამომ”, რომელიც ჩემპიონთა ლიგაზე, ევროპის 16 საუკეთესო კლუბს შორის, ზედიზედ მესამედ ასპარეზობს ახალი სეზონი პირეოსის “ოლიმპიაკოსის” წინააღმდეგ თამაშით გახსნა.

“ოლიმპიაკოსი” ჩემპიონთა ლიგის სამგზის გამარჯვებული,1-გზის ევროპის სუპერთასის მფლობელი, საბერძნეთის 35-გზის ჩემპიონი, 22 გზის თასის და 5-გზის სუპერთასის მფლობელი გახლავთ. ასევე, ეს გუნდი საბერძნეთის ნაკრების საბაზისო გუნდს წარმოადგენს, იმ ნაკრებისა, რომელმაც ტოკიოს ოლიმპიადაზე ფინალში ითამაშა. პირეოსელების შემადგენლობაში გამოდიან ისეთი მაღალი კლასის წყალბურთელები და ვარსკვლავები, როგორებიც:იოანის ფუნტულისი, ფილიპ ფილიპოვიჩი და კონსტანტინოს გუნიდუნასი არიან.

მატჩი ბერძენთა დიდი უპირატესობით დაიწყო. “ოლიმპიაკოსი” თავიდანვე 4 ბურთიანი უპირატესობით გავიდა წინ და ეს უპირატესობა ხელიდან აღარ გაუშვიათ. ბენეფისი ჰქონდა საბერძნეთის ნაკრების და “ოლიმპიაკოსის” შემტევს იოანის ფუნტულუსს, რომელმაც 8 ბურთი გაიტანა. “დინამოს” რიგებში გოლები-მარკო ელაჩამ(3), დუშან ვასიჩმა(2), სანდრო ადეიშვილმა(2), იოავან სარიჩმა და ანდრია ბითაძემ გაიტანეს.

საბოლოოდ, 20:9 და “დინამო” “ოლიმპიაკოსთან” დიდი ანგარიშით დამარცხდა.

გოლები:1:0 კოლომვოსი, 2:0 ფუნტულისი, 3:0 ფილიპოვიჩი,4:0 ფუნტულისი, 4:1 ელაჩა, 5:1 ფუნტულისი, 5:2 ვასიჩი, 6:2 ფილიპოვიჩი, 6:3 ვასიჩი, 7:3 რადოვიჩი, 8:3 ფუნტულისი, 9:3 ფუნტულისი, 9:4 ელაჩა, 9:5 სარიჩი, 10:5 ფუნტულისი, 11:5 ფუნტულისი, 11:6 ადეიშვილი, 12:6 გენიდუნასი, 13:6 გენიდუნასი, 13:7 ადეიშვილი, 14:7 ფილიპოვიჩი, 15:7 გუვისი, 15:8 ელაჩა, 16:8 ფუნტულისი, 17:8 ბუშლე, 18:8 მოურიკისი, 18:9 ბითაძე, 19:9 მოურიკისი,20:9 რადოვიჩი