in

უმცროსი ბორჯღალოსნები საფრანგეთთან განადგურდნენ

გუშინ, 20 წლამდე ექვსი ერის ზაფხულის სერია დასრულდა და გამარჯვებული სამხრეთ აფრიკის ნაკრები გახდა, რომელმაც უელსს 47:27 სძლია.

ბორჯღალოსნები კი მე-5 ადგილისათვის ბრძოლაში ფრანგებს დაუპირისპირდნენ და 17:44 დამარცხდნენ. წაგება სპორტში ჩვეულებრივი ამბავია, თუმცა მარცხსაც ხომ გააჩნია?

დავიწყოთ იმით, რომ ქართველები მე-10 წუთისათვის 10:0-ს იგებდნენ. ყველაფერი მშვენივრად მიდიოდა, მაგრამ ფრანგებმა კლანჭები გამოაჩინეს და ტაიმი 17:10 მოიგეს.

ყველაზე გულსატკენი კი ისაა, რომ მთელი მეორე ტაიმის მანძილზე ფრანგები 14 მოთამაშით იყვნენ დარჩენილი, რადგან მსაჯმა ერთ-ერთი მოთამაშე უხეში ბოჭვისათვის გააწითლა.

ამის შემდეგ, დაახლოებით მე-60 წუთიდან მოყოლებული ფრანგებს კიდევ ორი მოთამაშე გაუსინბინეს და ბორჯღალოსნები 3-ით მეტი დარჩნენ მოედანზე, მაგრამ ამ პერიოდში ფრანგებმა 2 ლელოს დადება მოახერხეს.

ამ ყველაფრის მიზეზი კი მარტივია. მეტოქის 5 მეტრიან ზონაში შესვლა და მამა-პაპური აიღე და მიეძალე, თანამედროვე რაგბში აღარ ჭრის. წარმოიდგინეთ, 3 მოთამაშით მეტობის მიუხედავად ვერცერთ შეტევაში მოხერხდა, რომ ქართველებს ეს გამოეყენებინათ და პირიქით, ფრანგები ისე იცავდნენ თავს, რომ მუდმივად 2 – 3 ზე ან 1 – 2 ზე რჩებოდნენ.

თუკი არ დაიწყება ხაზში თამაშის სწავლა და ნელ-ნელა დაჯახებიდან არიდებაზე გადასვლა, სტაგნაცია და რეგრესი გარდაუვალია.

ბორჯღალოსნებმა ტურნირზე ერთი მატჩი მოიგეს, როცა ჯგუფში შოტლანდიას 55:17 სძლიეს.

What do you think?

Leave a Reply

Your email address will not be published. Required fields are marked *

GIPHY App Key not set. Please check settings

რა დღეში არიან რუსებისგან “დაცულები”: აფხაზეთი თავისნაირებს ახალ ჩემპიონატს თავაზობს

ახლა რა ხდება კალათბურთში: ვისთან გვიწევს, როდის და რა შანსი გვაქვს