საქართველომ მონტენეგროსთან მინიმალურად წააგო: ვის შევხვდებით საპლეიოფოდ

საქართველოს წყალბურთელთა ნაკრებმა მსოფლიო ჩემპიონატზე მეორე მატჩი მონტენეგროსთან ითამაშა და 9:10 დამარცხდა.

ორივე გუნდი უკვე გასულია პლეი-ოფში, გასარკვევი იყო რომელი დაიკავებდა მეორე ადგილს. ჯგუფის პირველადგილოსანი პირდაპირ გადის მეოთხედფინალში, ხოლო მეორე-მესამეადგილოსნები მეოთხედფინალში გამსვლელ პლეი-ოფს ითამაშებენ. ჩვენი ჯგუფის მეორე გუნდი B ჯგუფის მესამეადგილოსანს შეხვდება. დიდი ალბათობით იაპონია. ჩვენგან მესამე B ჯგუფის მეორეს დაუპირისპირდება – ან ხორვატიას ან საბერძნეთს.

მოკლედ, შედეგს დიდი მნიშვნელობა ჰქონდა, რაც შეხვედრამაც დაადასტურაა. დაძაბული თამაში გამოვიდა და გარდამავალი უპირატესობით წარიმართა.

პირველი მეოთხედი ჩვენმა გუნდმა ვერ ითამაშა სათანადოდ – 1:4.

მეორე პერიოდში კარგი დაცვისა და, პირველ რიგში, მეკარე შუბლაძის ეფექტიანი თამაშის წყალობით გოლი აღარა გავუშვით, იქით სამი გავიტანეთ და პირველი ტაიმის შემდეგ უკვე 4:4 იყო.

მესამე რაუნდში მონტენეგრო 7:4 დაწინაურდა, თუმცა სხვაობის მინიმუმამდე შემცირება მოვახერხეთ – 7:8.

მეოთხე პერიოდი თანაბარი გამოვიდა. ორივე გუნდს ბევრი კარგი შანსი მიეცა, რომელთაგან მონტენეგრომ ერთით მეტი გამოიყენა და 10:9 მოიგო.

შეგახსენებთ, ჩვენმა გუნდმა ტურნირის პირველი მატჩი ბრაზილიას მოუგო – 14:10.
საქართველო 25 ივნისს მასპინძელ უნგრეთს შეხვდება.