კრიშტიანო რონალდო ისედაც ყოველთვის საინტერესოა, მაგრამ ახლა ჩვენთვის ასმაგად, რადგან სწორედ ეს წარმოუდგენლად მაგარი ფეხბურთელი იქნება საქართველოს ნაკრების მეტოქე ევროპის ჩემპიონატზე.
რონალდომ საუდის არაბეთის 26-ე ტურში სამი გოლი გაიტანა.
„ალ ნასრის“ თავდამსხმელმა „აბჰისთან“ შეხვედრაში (5:0) ბურთები შეყარა მე-11, 21-ე და 42-ე წუთებზე.
გარდა ამისა, 33-ე წუთზე სადიო მანეს ასისტი გაუკეთა (არ ჩაუთვალეს), 44-ეზე კი ალ-სულაიხიმს.
კრიშტიანო შესვენებაზე შეცვალეს.
სამიდან ორი გოლი რონალდომ ჯარიმიდან გაიტანა. ერთი – დაბლა დაარტყა, მეორე ცოცხალ კედელს გადაატარა.
![](https://sport4me.ge/wp-content/uploads/2024/04/83164369-13265011-image-a-28_171.jpg)
რონალდომ ჯარიმიდან გოლი ბოლოს 2023 წლის 23 მარტს გაიტანა, როდესაც ნაკრებში ლიხტენშტეინს შეუგდო.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
დუბლი ჯარიმიდან კი ბოლოს შორეულ 2011 წლის 15 მაისს ჰქონდა. მაშინ „რეალის“ მაისურით „ვილიარეალს“ გაუტანა.
სულ 39 წლის ფეხბურთელის ანგარიშზე 63 გოლია საჯარიმოდან. ლეო მესის – 65 აქვს.
სამაგიეროდ რონალდოს 8 ჰეთ-თრიქით მეტი აქვს მესიზე.
პორტუგალიელის ანგარიშზე ხსენებული სამი გოლის შემდეგ 65 ჰეთ-თრიქი დაუგროვდა, არგენტინელს 67 აქვს.
ამასთან, რონალდოს 29 შემთხვევაში ერთი პენალტიც ურევია, მესის – 12.
რონალდომ „ალ ნასრის“ რიგებში ზედიზედ მეორე ჰეთ-თრიქი გაიფორმა.
ისე კი ზედიზედ მე-4 შეხვედრაში გაიტანა.
![](https://sport4me.ge/wp-content/uploads/2024/04/i-1024x576.jpg)
კრიშტიანოს ანგარიშზე 29 გოლი და 10 საგოლე პასია 24 მატჩში.
GIPHY App Key not set. Please check settings