in

მე საუკეთესო ვარ: დიეგოს ციტატები

დღეს დიეგოს დაბადების დღეა. პირველად თავად დიეგოს გარეშე. გიჟმაჟ ლეგენდას სხვადსხვა დროს მისი ხასიათის შესაფერისი ციტატები უთქვამს. გავიხსენოთ:

დღეს დიეგოობაა


„არგენტინა – ეს მე ვარ“;

„დედა ყოველთვის საუკეთესოს მეძახდა. მე კი დედასთან კამათი არ მჩვევია“;

„მე მომწონს ის, რომ მსოფლიოში ჰომოსექსუალები არიან. ჩვენ უფრო მეტი ლამაზი ქალბატონი დაგვრჩება”;

„მე ვაღიარებ მხოლოდ ორ შვილს – დალმასა და ჯანინს. ყველა დანარჩენი – ჩემი ფულისა და შეცდომების ნაყოფია”;

„ჩემი ქალიშვილების საქმროებს უბედურება დაემართებათ, თუკი ისინი მათ ერთხელ მაინც აატირებენ”;

„ცოლს არ ვღალატობდი. და ეს რომც გამეკეთებინა, არასდროს ვაღიარებდი”;

“მხოლოდ მაშინ აღწევს ადამიანი წარმატებას, როცა ბევრს მუშაობს. სინამდვილეში წარმატებას არაფერი აქვს საერთო იღბალთან”;

“რატომღაც ყველა განსაკუთრებულ იუმორს მოითხოვს ჩემგან, მაშინ როცა გამოუსწორებელი ცინიკოსი ვარ და მხოლოდ უხეში ხუმრობებით ვიკვებები”;

“ნარკოტიკებმა ყველაზე მნიშვნელოვანი – ქალიშვილებთან ურთიერთობის საშუალება წამართვა, რასაც ვერასდროს ვაპატიებ საკუთარ თავს”;

“აზრი არ აქვს კამათს ვინ უკეთესია – მე თუ პელე, რადგან ნებისმიერი იტყვის, რომ მე საუკეთესო ვარ”;

“ფსიქიატრიულ კლინიკაში მკურნალობისას, ერთს ნაპოლეონი ეგონა საკუთარი თავი, მეორეს – ფიდელ კასტრო, ჩემი კი, არავის სჯეროდა, როცა ვამბობდი, რომ მარადონა ვიყავი”;

“ფეხბურთი – სიამოვნების და სიხარულის თამაშია, ფეხბურთელები არასდროს განიცდიან სტრესს, რადგან სტრესი მათთვისაა, ვინც მთელ დღეს სამუშაო მაგიდასთან ატარებს”;

“თეთრიც შემიძლია ვიყო და შავიც, მაგრამ ნაცრისფერი არასდროს ვიქნები”;

“სიცრუეა, როცა გუნდის გამარჯვებას მწრთვნელს მიაწერენ, რადგან ნამდვილი გამარჯვებული მხოლოდ ფეხბურთელია”;

“ღმერთი მხოლოდ მათ ეხმარება, ვისაც თვითონ შეუძლია საკუთარი თავის დახმარება”;

“პოლიტიკოსებთან შედარებით მე უპირატესობით ვსარგებლობ, რადგან ისინი საჯარო ადამიანები არიან, მე კი, მსოფლიოში ყველაზე პოპულარული ადამიანი ვარ”;

“ჩემი შვილებისთვის მე კერპი ვარ და ეს სრულიად საკმარისია”.

What do you think?

Leave a Reply

Your email address will not be published. Required fields are marked *

GIPHY App Key not set. Please check settings

დღეს დიეგოობაა

დიეგოს საუკეთესო გოლები