შაბათს ევროპაში რამდენიმე გამორჩეული მატჩი დაემთხვა. გერმანიაში წაუგებელ „ბაიერს“ ნამდვილი გამოცდა ელოდა თვით „ბაიერნის“ სახით და აქ უნდა დაემტკიცებინა ნამდვილი ამბიციები. დაამტკიცა და თან გადაჭარბებით – ლევერლუზენელებმა მარადიული ჩემპიონი 3:0 დაამარცხეს.
„ბაიერი“ 5 ქულით უსწრებს „ბაიერნს“ და პირველ ადგილზეა.
ბაიერი – ბაიერნი 3:0
1:0 – 18 სტანიშიჩი, 2:0 – 50 გრიმალდო, 3:0 – 90 ფრიმპონგი.
![](https://sport4me.ge/wp-content/uploads/2024/02/806x378-leaders-bayer-leverkusen-beat-champions-bayern-munich-3-0-in-bundesliga-1707594098820.jpg)
„ბაიერი“ არ აგებს „ბაიერნთან“ ჩაბი ალონსოს დანიშვნის შემდეგ – 2 მოგება და 2 ფრე.
„ბაიერს“ ამ სეზონში 27 მოგება და 4 ფრე აქვს. ალონსოს გუნდი მაისის შემდეგ არ აგებს.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
„ბაიერნმა“ მარტო ერთხელ დაარტყა „ბაიერის“ კარისკენ.
ჰარი კეინი: „მტკივნეულია, მაგრამ წინ კიდევ ბევრი მატჩია. მალე უნდა გამოვასწოროთ ვითარება“.
ტომას ტუხელი: „მე ვარ პასუხისმგებელი ტაქტიკის არჩევისას და წაგებაც საკუთარ თავზე უნდა ავიღო.
„ბაიერნი“ არ დანებდება. ჩვენი მიდგომა არ შეიცვლება“.
ჩაბი ალონსო: „შესანიშნავი გამოსვლა. ტიტულის შანსებზე მაისში ვილაპარაკოთ“.
ტომას მიულერი: „კანს დავესესხები: არ გვყოფნის კვერცხები. გაბრაზებული ვარ. მარტო მწვრთნელში არ არის საქმე, ფეხბურთელებზეც სალაპარაკოა“.
![](https://sport4me.ge/wp-content/uploads/2024/02/XOXLTMPFBBKWBLGXGTLZVFFNYI-1024x675.jpg)
![](https://sport4me.ge/wp-content/uploads/2024/02/download-1024x683.jpg)
ესპანეთში ლევერკუზენელობა არ გამოუვიდა „ჟირონას“, რომელმაც „სანტიაგო ბერნაბეუზე“ გამოცდა ვერ ჩააბარა. „სამეფო კლუბმა“ მოულოდნელად გამოვარდნილ პატარა გუნდს თავისი ადგილი მიუჩინა – 4:0.
„რეალმა“ 5 ქულით გაუსწრო „ჟირონას“ და ლიდერია. „ბარსა“ 11 ქულით ჩამორჩება.
რეალი – ჟირონა 4:0
გოლები: 1:0 ვინისიუსი (6), 2:0 ბელინგემი (35), 3:0 ბელინგემი (54), 4:0 როდრიგო (61)
გამოუყენებელი პენალტი: ხოსელუ (90+1)
„რეალმა“ ლა ლიგაში წაუგებელი სერია 18 მატჩამდე გაზარდა. „ჟირონა“ სექტემბრის შემდეგ პირველად დამარცხდა.
„რეალს“ 19 მოგება და 4 ფრე აქვს 24 ტურში. უკეთესი 2012 წელს იყო მოურინიოს დროს და 1961 წელს მუნიოსის მწვრთნელობისას.
„რეალმა“ ორივეჯერ გაანადგურა „ჟირონა“ საერთო ანგარიშით 7:0. „ბარსამ“ და „ატლეტიკომ“ წააგეს და თან თითომ 4 გოლი გაუშვა.
„ჟირონას“ ერთხელაც არ დაურტყამს „რეალის“ კარში.
ბელინგემმა მე-15 და მე-16 გოლები გაიტანა ლა ლიგაში და ბომბარდირთა დავაში დოვბიკს და მაიორალს გაუსწრო.
„ჟირონას“ მწვრთნელი სანჩესი: „არაჩვეულებრივ სეზონს ვატარებთ, მაგრამ ეს ჩვენი ლა ლიგა არ არის. „რეალთან“ კონკურენცია მსოფლიოში მარტო 4-5 გუნდს შეუძლია“.
კარლო ანჩელოტი: „რეალმა“ მატჩი ძალიან მაღალ დონეზე ჩაატარა. დაცვაში თავდადება საკვანძო ფაქტორია“.
![](https://sport4me.ge/wp-content/uploads/2024/02/Screenshot-2024-02-11-134134-1024x643.jpg)
იტალიაში ლიდერმა „ინტერმა“ თავისი ძალა რომშიც დაამტკიცა. წაგებული პირველი ტაიმი მეორეში ამოუქაჩა ბოლო 3 მატჩის მომგებ „რომას“ და ქვეყანაში პირველობისკენ უკანმოუხედავად გარბის.
რომა – ინტერი 2:4
0:1 – 17 აჩერბი, 1:1 – 28 მანჩინი, 2:1 – 44 ელ-შაარავი, 2:2 – 49 ტიურამი, 2:3 – 56, ანხელინიო (ავტოგოლი), 2:4 – 90 ბასტონი.
„რომამ“ პირველად წააგო მოურინიოს გაგდების შემდეგ. დე როსის სამიდან სამი მოგება ჰქონდა.
„ინტერი“ 17 ტურია სერია ა-ში არ მარცხდება და „იუვენტუსს“ 7 ქულით უსწრებს. მილანელებმა ზედიზედ 7 შეხვედრა მოიგეს.
![](https://sport4me.ge/wp-content/uploads/2024/02/Marcus-Thuram-goal-Roma-Inter-1024x683-1-1024x576.jpg)
GIPHY App Key not set. Please check settings