„ლივერპულმა“ ჩემპიონთა ლიგის მეორე ფინალი წააგო ბოლო 4 წელიწადში – 2018 და 2022 წლებში თასი ორივეჯერ „რეალს“ დაუთმო.
სალაჰმა ვერ მოახერხა მადრიდისთვის სამაგიეროს გადახდა. კლოპიც ცდილობდა ოპტიმიზმის შენარჩუნებას, ტაშიც კი დაუკრა მაყურებელს.
![](https://avoe.ge/wp-content/uploads/2022/10/rue0de02d4a76.jpg)
![](https://avoe.ge/wp-content/uploads/2022/10/rue293d41511e.jpg)
ეს ახალი ექსპონატებია ფინალში დამარცხებული მეგავარსკვლავების გალერიადან. აი ძველები.
პეპ გვარდიოლა „ბარსადან“ წასვლის შემდეგ ვერაფრით იგებს ჩემპიონთა თასს. გასულ წელს ფინალშიც იყო, მაგრამ „ჩელსისთან“ წააგო.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
![](https://avoe.ge/wp-content/uploads/2022/10/rued336feeb4b.jpg)
2020 წელს ნეიმარი მაქსიმალურად ახლოს იყო ტიტულთან, მაგრამ მისი პსჟ „ბაიერნმა“ გააჩერა. ბრაზილიელს ერთი თასი აქვს, 2015-ში „ბარსაში“ მოგებული.
![](https://avoe.ge/wp-content/uploads/2022/10/rue938185f1b6.jpg)
კილიან მბაპე იმ მატჩში რამდენიმე კარგი მომენტი ვერ გამოიყენა და გადაავადა მთავარი ევროპული თასის მოგება.
![](https://avoe.ge/wp-content/uploads/2022/10/rue42871a5f37.jpg)
„ტოტენჰემმა“ 2018/19 წლების სეზონში ზღაპრული კამპანია მოაწყო და ფინალამდეც მივიდა. ჰარი კეინმა ალბათ ამ გუნდში ამ თასის მოგების ერთადერთი შანსი გაუშვა.
![](https://avoe.ge/wp-content/uploads/2022/10/ruec9c253537d.jpg)
ჯანლუიჯი ბუფონმა ჩემპიონთა თასი ვერაფრით ვერ მოათვინიერა. „იუვენტუსის“ რიგებში სამი ფინალი ითამაშა – 2003, 2015 და 2017 – მაგრამ „ბებერ ქალბატონს“ სულ რაღაც აკლდებოდა.
![](https://avoe.ge/wp-content/uploads/2022/10/rueacfec0615e.jpg)
რობერტ ლევანდოვსკის თასის მოგება 2013 წელს შეეძლო დორტმუნდის „ბორუსიასთან“ ერთად, მაგრამ მაშინ კლოპის გუნდმა პოლონელის მომდევნო გუნდთან, „ბაიერნთან“ წააგო.
![](https://avoe.ge/wp-content/uploads/2022/10/ruef5c4db9192.jpg)
ძალიან დასანანი წაგება შეემთხვა „ბაიერნს“, როდესაც ლამის მოგებული ფინალი დაუთმო ფერგიუსონის „მანჩესტერს“ 1998/99 წლების სეზონის ბარსელონურ ფინალში. ლეგენდარულ ლოტარ მათეუსს ჩემპიონთა თასი მოგებული არ აქვს.
![](https://avoe.ge/wp-content/uploads/2022/10/ruef65625e77f.jpg)
GIPHY App Key not set. Please check settings