ლევანდოვსკი შეუჩერებელია: ბაიერნი მსოფლიოს საკლუბო ჩემპიონატის ფინალშია

მიუნხენის “ბაიერნი” მსოფლიოს საკლუბო ჩემპიონატის ფინალშია. ყატარის დედაქალაქ დოჰაში მიმდინარე ტურნირზე ჩემპიონთა ლიგის მოქმედი გამარჯვებული ეგვიპტურ “ალ აჰლის” დაუპირისპირდა და 2:0 დაამარცხა.

“რეკორდმაისტერმა” შეხვედრა ზედმეტის ძალების დახარჯვის გარეშე მოიგო. ორივე გოლი გერმანელთა საუკეთესო ბომბარდირის და ფიფას ვერსიით, გასული წლის საუკეთესო ფეხბურთელის რობერტ ლევანდოვსკის ანგარიშზეა. პოლონელმა ჯერ სერჟ გნაბრის, შემდეგ ლეროი სანეს პასები გამოიყენა.

ბავარიელთა მთავარი მწვრთნელი ფლიკი ძალიან მოწადინებულია ამ ჯილდოს მოგებით და განაცხადა: “გვინდა ამ ტიტულის მოგება. თუ მოვახერხეთ, “ბაიერნი” დიდებულ სეზონს 6 ტროფეით დაასრულებს”.

ფინალური შეხვედრა 11 თებერვალს გაიმართება, რომელშიც “ბაიერნის” მეტოქე მექსიკური “ტიგრე” იქნება, რომელმაც ბრაზილიურ “პალმეირასი” დაამარცხა 1:0.