იამაიკის ნაკრების მეკარე სოხუმის დინამოში

იამაიკის ქალთა საფეხბურთო ნაკრების პირველი მეკარე საქართველოში, უფრო კონკრეტულად სოხუმის “დინამოს” შემადგენლობაში ითამაშებს.

ინფორმაციას კლუბის ოფიციალური Facebook გვერდი ავრცელებს. კრის ენ ჩემბერსი სოხუმის “დინამოს” “uwi fc”-დან შეუერთდა, სადაც 2012 წლიდან ასპარეზობდა. ჩემბერსს იამაიკის ეროვნული გუნდის შემადგენლობაში არაერთი მატჩი აქვს ჩატარებული.

იგი იამაიკის 20-წლამდელთა ნაკრების კაპიტანი იყო. სოხუმის “დინამოს” ქალთა გუნდმა შარშან მე-2 ლიგაში 8 მატჩიდან ყველა მოიგო და უმაღლეს დივიზიონში აღზევდა.