„საბურთალო“ საქართველოს თასის მფლობელია: თბილისურმა ფინალში ახალ გაჩემპიონებული ბათუმის „დინამო“ 1:0 დაამარცხა და ტიტულს მესამედ დაეუფლა.
პირველ ტაიმში „საბურთალომ“ რამდენიმე კარგი მომენტი შექმნა, მაგრამ ვერ ისარგებლა – 25-ე წუთზე მეკარესთან პირისპირ დარჩენილმა შეიკნე სილამ ბურთი კარს ააცილა. დასარტყმელ პოზიციაზე გასულმა ოთო მამაგეიშვილმაც არაზუსტად დაარტყა, ასევე უშედეგო გამოდგა შოთა ნონიკაშვილის შორეული გასროლაც. ბათუმელებიდან 45-ე წუთზე პაატა ღუდუშაურს შეეძლო გატანა, მაგრამ მისი შესრულებული ჯარიმის შემდეგ ბურთი თბილისელთა კარის ძელს მოხვდა.
![](https://sport4me.ge/wp-content/uploads/2023/12/407885260_915121273304511_6186405979546658619_n-1024x690.jpg)
მეორე ტაიმი ბათუმელებმა აქტიურად დაიწყეს, ზეწოლა გააძლიერეს და უპირატესობა მოიპოვეს, მაგრამ ორი კარგი მომენტი კონტრშეტევაზე „საბურთალომ“ შექმნა. 67-ე წუთზე ლევან ხარაბაძის გადაცემით „საბურთალოს“ კარის წინ პაატა ღუდუშაური დარჩა, მაგრამ მეკარემ ლაზარე კუპატაძემ თბილისელები გადაარჩინა. 78-ე წუთზე კი რეალური შანსით „საბურთალოს“ თავდამსხმელმა, შეიკნე სილამ ვერ ისარგებლა.
შეხვედრის ბედი შეცვლაზე შესულმა ირაკლი სიხარულიძემ 90+2-ე წუთზე პირველივე შეხებით გადაწყვიტა. კუთხურის შემდეგ „საბურთალოს“ გამოცდილი თავდამსხმელი კარის წინ გაიხსნა და თავური დარტყმით გუნდს გამარჯვება მოუტანა – 1:0.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
![](https://sport4me.ge/wp-content/uploads/2023/12/407841820_915121853304453_4145147048478978124_n-1024x711.jpg)
ბათუმელები შტურმზე გადავიდნენ. საჯარიმოში შესული ფაცაცია ბურთზე ბრძოლისას წაიქცა, მსაჯმა პენალტი არ დანიშნა, ვითარება დაიძაბა, დინამოელი ღუდუშაური გააძევეს და შეხვედრაც დასრულდა, თუმცა არ დასრულდა შეხლა-შემოხლა. მოედანზე გულშემატკივრები გადავიდნენ და ჩხუბი ტრიბუნაზეც დაიწყო. სამწუხაროდ, ფიზიკური შეურაცხყოფა მატჩის სტიუარდებსაც მიაყენეს.
![](https://sport4me.ge/wp-content/uploads/2023/12/407859478_915121913304447_6838779385716984708_n-1024x683.jpg)
საბედნიეროდ, სიტუაცია განიმუხტა და გამარჯვებულ გუნდს თასი საქართველოს ფეხბურთის ფედერაციის პრეზიდენტმა ლევან კობიაშვილმა გადასცა.
![](https://sport4me.ge/wp-content/uploads/2023/12/407925659_915122253304413_47647654267992655_n-1024x683.jpg)
![](https://sport4me.ge/wp-content/uploads/2023/12/407780614_915122586637713_2391134599687504301_n-1024x688.jpg)
თბილისი. „მიხეილ მესხი“
საბურთალო – დინამო (ბთ) 1:0
გოლი: სიხარულიძე (90+2)
გაძევება: ღუდუშაური (90+7, დინამო)
დედაქალაქური კლუბი მესამედ დაეუფლა თასს და კონფერენს ლიგის საკვალიფიკაციო ეტაპზე იასპარეზებს.
![](https://sport4me.ge/wp-content/uploads/2023/12/407856268_915122836637688_2215350754902350658_n-1024x643.jpg)
GIPHY App Key not set. Please check settings