იზმირში, გადაჭედილი თურქი გულშემატკივრების თვალწინ, დაძაბულ ბრძოლაში, რომელიც ოვერტაიმში გადაიზარდა, გიორგი შერმადინის ლიდერობით, ესპანურმა “ტენერიფემ” 106:97 დაამარცხა “ქარშიაქა” და ფიბა-ს ჩემპიონთა ლიგის მე-2 ჯგუფური ეტაპი გამარჯვებით დაიწყო.
ფიბა-ს უმაღლეს საკლუბო ტურნირში დარჩენილმა 16-მა საუკეთესო კლუბმა ჯგუფური ეტაპი დაიწყო. შერმადინის ტენერიფეს თურქულ ქარშიაქასთან ერთად ჯგუფში ბერძნული პერისტერი და ისრაელის ჰაპოელი ჰყავს. ამ ოთხეულიდან 2 საუკეთესო მეოთხედფინალში გავა, მანამდე კი გასვლა-სახლის პრინციპით გუნდებმა 2 წრე უნდა ითამაშონ.
შერმადინი შეუჩერებელი გახლდათ. მან ტენერიფელთაგან ყველაზე მეტი – 34 წუთი ითამაშა და შედეგიანობით მოედანზე მყოფთაგან აუკეთესო იყო. ქართველმა ცენტრმა 12-დან 9 ორქულიანი და 7-დან 7 საჯარიმო ჩააგდო. მთლიანობაში მან 25 ქულა, 9 მოხსნა, 5 პასი და 1 დაფარება მოაგროვა. მისმა სარგებლიანობის ინდექსმა 37-ს უწია, რაც, ცხადია, ვერავინ გადაფარა და შერმადინმა MVP-ის მორიგი ტიტული დაისაკუთრა.
![](https://sport4me.ge/wp-content/uploads/2024/01/422311299_896452222484966_5469896532147661259_n-1024x681.jpg)
აღსანიშნავია, რომ შერმადინმა ბურთების უმეტესობა მარსელიონიო ჰუერტასის პასებით ჩააგდო. ბრაზილიელმა გამთამაშებელმა საბოლოოდ 17 ქულა და 15 პასი მოაგროვა, ტენერიფელთაგან ასევე 25 ქულა ჰქონდა გუნდის ახალწვეულს, ამერიკელ კაილი გაის.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
მე-2 ტურის მატჩს ტენერიფე 31 მარტს, შინ, ბერძნულ პერისტერისთან ჩაატარებს.
GIPHY App Key not set. Please check settings