მორიგი შეხვედრა გამართა NBA-ში გოგა ბითაძის “ინდიანა პეისერსმა”, რომელმაც “მინესოტას” უმასპინძლა და საკმაოდ სანახაობრივ დაპირისპირებაში 141:137 დაამარცხა.
დომანტას საბონისისა და მაილს ტერნერის არყოფნაში გოგა ამ სეზონში პირველად მოხვდა “პეისერსის” სასტარტო ხუთეულში და პარკეტზე 25:24 წუთი გაატარა. ამ დროის განმავლობაში ქართველმა ცენტრმა 14 ქულა, 3 მოხსნა, 5 პასი, 1 ჩაჭრა და 1 დაფარება მიითვალა. გოგამ შვიდი ორქულიანიდან ოთხი ჩააგდო და ორი ბურთიც პერიმეტრიდან ზუსტი სროლის შემდეგ მოათავსა კალათში.
აღსანიშნავია ის, რომ 14 ქულა ბითაძის NBA-ში ყოფნის პერიოდში საუკეთესო შედეგია, აქამდე მას 13 ქულა „ვაშინგტონ ვიზარდსთან“ ჰქონდა მოპოვებული.
„პეისერსიდან“ საუკეთესო ტი ჯეი მაკკონელი იყო, რომელმაც 19 ქულითა და 15 პასით ორმაგი დუბლი გაიფორმა.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
„ინდიანა“ შემდეგ შეხვედრას 10 აპრილს „ორლანდოს“ წინააღმდეგ გამართავს.
GIPHY App Key not set. Please check settings