ეს ბაიერნის რეკორდია, ეს ბორუსიას რეკორდია: გოლეადორები ვერ ისვენებენ – XVI ტური

გერმანიაში ზამთრის შესვენების ბოლოსწინა ტური შუა კვირაში გაიმართა და დიდი გადაადგილებები არ გამოუწვევია. ორივე ლიდერმა მარტივად მოიგო თავისი თამაშები, თან ისე, რომ მათი მთავარი მეგოლეები წამით არ აპირებენ გაჩერებას – “ბაიერნის” ლევანდოვსკიმაც და “ბორუსიას” ჰაალანდმაც 2-2 გოლი შეაგდეს.
მნივნელოვანი იყო ოთხეულის 2 გუნდის შეხვედრა. ლევერკუზენის “ბაიერი” შინ 2 ბურთით კი იგებდა, მაგრამ ბოლო პერიოდში საოცრად მოთამაშე და მიჯრით მოგებული თამაშების მქონე “ჰოფენჰაიმმა” ბოლოს მაინც გადაარჩინა მატჩი – 80-ე და 83-ე წუთებზე გაიტანა.
ვინ იქნება ზამთრის პაუზამდე ოთხეულში, ამას მომდევნო ტური გაარკვევს, როდესაც მეხუთე ადგილოსანი “ფრაიბურგი შინ “ბაიერს” მიიღებს და ეცდება 2-ქულიანი დანაკლისი ამოუქაჩოს.

„ბაიერნი“ ზამთრის ჩემპიონი 24-ედ გახდა, ამის შემდეგ 21-ჯერ ტიტულს იგებდა.

ლევანდოვსკიმ 42 გოლი გაიტანა 2021 წელს ბუნდესლიგაში და ამით მიულერის რეკორდი გაიმეორა. პაუზამდე კიდევ ერთი ტურია.

ლევანდოვსკიმ 2021 წელს 68 გოლი გაიტანა, მბაპემ – 49, ჰაალანდმაც უკვე 49, რონალდომ – 46, ბენზემამ – 45 და მესიმ – 43.

ტომას მიულერმა ბუნდესლიგის პირველ წრეში 12 საგოლე პასი მისცა. ეს რეკორდია მას შემდეგ, რაც სტატისტიკას ითვლიან.

ნაგელსმანი: „ბაიერნი“ არაჩვეულებრივად კარგი იყო მეორე ტაიმში“.

ჰაალანდმა კალენდარულ წელს ჩემპიონატში 30 გოლი გაიტანა. ეს „ბორუსიას“ რეკორდია.

ჰაალანდმა „ბორუსიაში“ ჩატარებულ 74 მატჩში 76 გოლი შეაგდო.

ლევერკუზენის ფორვარდმა შიკმა 8 გოლი გაიტანა ბოლო 3 ტურში.

„ბაიერის“ ნახევარმცველ ფლორიან ვირტცის ანგარიშზე 50 მატჩია ბუნდესლიგაში. ის ისტორიაში ყველაზე ახალგაზრდა მოთამაშეა, რომელმაც ამ ნიშნულს მიაღწია.

გლადბახის „ბორუსიამ“ ზედიზედ 4 მატჩი წააგო საერთო ანგარიშით 4:17. ზედიზედ 4 მატჩი წააგო ასევე “ვოლფსბურგმა”.

ბუნდესლიგა – XVI ტური

შტუტგარტი – ბაიერნი 0:5
ვოლფსბურგი – კიოლნი 2:3
მაინცი – ჰერტა 4:0
არმინია – ბოხუმი 2:0
გლადბახი – აინტრახტი 2:3
უნიონი – ფრაიბურგი 0:0
დორტმუნდი – ფიურტი 3:0
ლევერკუზენი – ჰოფენჰაიმი 2:2
აუგსბურგი – ლაიპციგი 1:1