ენისეისთან მატჩი გაუქმდა: შავი ლომი ესპანურ კასტილიას შეხვდება

მოგეხსენებათ, რუსებს სანქციები თითქმის ყველა სპორტში შეეხო და გამონაკლისი არც რაგბია.

რაგბი ევროპის სუპერთასზე აღმოსავლეთ კონფერენციაში პირველი ადგილისთვის ბრძოლა სოჭში კრასნოიარსკის “ენისეისა” და “შავ ლომს” შორის უნდა გარკვეულიყო, მაგრამ მსოფლიო რაგბისა და რაგბი ევროპას გადაწყვეტილებით რუსეთის ნაკრებები და კლუბები ყველა ტურნირიდან მოიხსნენ, შესაბამისად, ქართული გუნდი პირველ ადგილზე დარჩა და პლეი-ოფშიც აღმოსავლეთ კონფერენციის საუკეთესო გუნდის სტატუსით გავიდა.

პირველი ქართული პროფესიონალური ფრენჩაიზი ნახევარფინალში დასავლეთ კონფერენციის მეორე ადგილოსანს ესპანურ “კასტილიას” დაუპირისპირდება. მეორე წყვილში კი, დასავლეთ კონფერენციის პირველადგილოსანი პორტუგალიური “ლუსიტანო” ისრაელის “თელ ავივ ჰითის” დაუპირისპირდება.

ნახევარფინალები 16 აპრილსაა დაგეგმილი. ფინალური მატჩი კი, 8 მაისს გაიმართება.

ნახევარფინალურ მატჩს “შავი ლომი” თბილისში გამართავს.