ევროპის მასპინძლები: ახალგაზრდულმა საქართველომ რუმინეთს მოუგო – ვიდეო

საქართველოს ახალგაზრდული ნაკრები, გორში რუმინეთის 21-წლამდე გუნდს დაუპირისპირდა და 2:0 დაამარცხა.

შეხვედრაში ანგარიში 68-ე წუთზე ცოტნე კაპანაძემ გახსნა, რომელმაც გუნდის კაპიტნის გიორგი გულიაშვილის ზუსტი გადაცემა გამოიყენა და ეფექტური დარტყმით ჩვენები დააწინაურა.

მეორე გოლიც, ზუსტად 5 წუთში “თელავის” მარჯვენა ფლანგელმა გაიტანა და 73-ე წუთზე საბოლოო ანგარიში დააფიქსირა – 2:0.

ეს მოგება რამაზ სვანაძის გუნდისთვის ზედიზედ მესამეა. შეგახსენებთ, ბოლო მატჩი ახალგაზრდულმა 29 მარტს ასევე გორში, ესტონეთის წინააღმდეგ ჩაატარა და მეტოქე 4:1 დაამარცხა.

მოგეხსენებათ, 2023 წელს ევროპის ახალგაზრდულ ჩემპიონატს სწორედ საქართველო და რუმინეთი უმასპინძლებენ.