დასამალი არაფერია: იტალიაში მსაჯისა და VAR-ის ლაპარაკს ყველა მოისმენს

სერია ა-ს მსაჯთა კორპუსის ხელმძღვანელმა ჯანლუკა როკიმ აცნობა, რომ არბიტრებსა და ვიდეოასისტენტებს შორის მოლაპარაკებები ხელმისაწვდომი გახდება: საუბრის მოსმენა ყველას შეეძლება.

– ვიდეოგამეორება – შესანიშნავი ინსტრუმენტია, მაგრამ მსაჯები უნდა იყვნენ თანმიმდევრული და დაბალანსებული. თუ ასე არ ხდება, VAR მტერი გახდება.

– არის იმის შანსი, რომ მსაჯსა და ვიდეოასისტენტებს შორის მოლაპარაკებები მოვისმინოთ?

– მალე ასეც იქნება, ჩვენ დასამალი არაფერი გვაქვს. ქომაგებისთვის მნიშვნელოვანია გაიგონ როგორ მიმდინარეობს ურთიერთობა მათ შორის.

– მწვრთნელებს თუ ექნებათ საშუალება ვიდეოგამეორება მოითხოვონ?

– არ ვართ ამის წინააღმდეგი, მაგრამ უნდა ვიცოდეთ რას ფიქრობენ თავად მწვრთნელები.