in

გატუზომ მამარდაშვილი შეაქო!

ლა ლიგაზე სტუმრად “სევილიასთან” ფრედ დასრულებული მატჩის (1:1) შემდეგ ჟურნალისტების კითხვებს “ვალენსიას” მწვრთნელმა ჯენარო გატუზომ უპასუხა.

ვიდეო: მამარდაშვილის ბრწყინვალე მატჩი სევილიაში – ქართველმა მაგარი ბურთები აიღო

– როგორი შთაბეჭდილება მოახდინა თქვენზე შეხვედრამ?

– ფრე სამართლიანი შედეგია. პირველ ტაიმში ჩვენ უკეთესად ვითამაშეთ, მეორეში – “სევილიამ”. მეორე ტაიმში ბურთს ვერ ვფლობდით, ცოტას ვმოძრაობდით და შიშით ვთამაშობდით. პენალტი შეიძლება ვერ გამოიყენო, ისეთ დიდ ფეხბურთელსაც ვერ გაუტანია, როგორიც მარადონა იყო.

– “ვალენსიამ” გაორებული შთაბეჭდილება დატოვა. მიზეზი?

– ეს ფიზიკურ მომზადებას არ ეხება. როდესაც ბურთის კონტროლი გვჭირდება, ამას ვერ ვახერხებთ. მეორე ტაიმში ძალიან შიშით და ცუდად ვირჯებოდით.

ესპანეთში გასვლაზე დიდი ძალისხმევის გაღებაა საჭირო, რადგან ზეწოლა დიდია.

– ეს გამოუცდელობის ბრალი ხომ არაა?

– ვიცით, რომ ახალგაზრდული გუნდი გვყავს, სრულყოფაა აუცილებელი. ცოტა უნარები დაგვაკლდა. პირველ ტაიმში ფულკიეს პოზიციიდან მეტოქე რთულ მდგომარეობაში ჩავაყენეთ, მეორეში ყველაფერი შეიცვალა. მთელი გუნდით პრესინგი ვერ შევძელით.

– მამარდაშვილმა თქვენზე ეფექტი მოახდინა…

– დიახ, მეც ასე ვფიქრობ. გაიამ დღეს თერთმეტმეტრიანი ვერ გამოიყენა, რამდენიმე დღის წინ შეცდომა გიორგიმ დაუშვა… ეს ფეხბურთის შემადგენელი ნაწილია. ვისაც ფეხბურთი უთამაშია, იცის, რომ შეცდომა მისი ნაწილია.

What do you think?

Leave a Reply

Your email address will not be published. Required fields are marked *

GIPHY App Key not set. Please check settings

კლოპს ქსენოფობიაში ადანაშაულებენ

ანჩელოტი: სიტის ვულოცავთ, მაგრამ საუკეთესოები ჩვენ ვიყავით