Vakhtang Daraselia
„ბარსელონამ“ 2022/23 წლების სეზონის საშინაო ფორმა წარადგინა.
კომპლექტი, რომელიც Nike-მა მოამზადა, მუქ ლურჯ, ცისფერ და ბროწეულის ფერებშია გადაწყვეტილი. „ბარსას“ სატიტულო სპონსორი შეეცვალა – მომდევნო სეზონიდან მკერდზე განთავსდება მუსიკალური სერვისის Spotify ლოგო.
ეს ფორმა ეძღვნება ბარსელონაში გამართულ 1992 წლის ოლიმპიადის 30 წლის იუბილეს.
კლუბის პრეს-სამსახური წერს, რომ კომპლექტი ბარსელონა 1992-ის სულს ასახავს, ხოლო დიზაინში გამოყენებული გრაფიკული ელემენტები ჰგავს ოლიმპიადისთვის გამოშვებულ პლაკატებზე გამოყენებულ დეტალებს.
ზურგზე დაიტანება დევნილების საკითხებში გაეროს უზენაესი კომისრის განყოფილების ლოგოტიპი.
ამასობაში „ბარსელონას“ სეზონის საუკეთესო ფეხბურთელად პედრი დასახელდა.
19 წლის ბიჭმა გულშემატკივრების გამოკითხვაში გაიმარჯვა, რომელაც ხმების 30,67% მიიღო.
მეორე ადგილზე გავიდა რონალდ არაუხო (27,11%), მესამეზე – მარკ-ანდრე ტერ შტეგენი (7,29%).
პედრიმ გასულ სეზონში 22 მატჩში მიიღო მონაწილეობა, 5 გოლი გაიტანა და 1 საგოლე პასი მისცა.
GIPHY App Key not set. Please check settings