გუშინ, ბლაუგრანამ ფრენჩაიზის 24.5%-იანი წილი 100 მილიონ ევროდ გაასხვისა, რათა ახლადშეძენილი მოთამაშეების დარეგისტრირება მოახერხოს, თუმცა ლაპორტა ამაზე არ გაჩერდება. „მუნდო დეპორტივოს“ ცნობით, ბლაუგრანა მეოთხე ეტაპზე გადადის და კიდევ 24.5%-იან წილს ასხვისებს, რაც ჯამში 49% გამოდის.
წინა თვეში დავწერეთ, რომ ფრენჩაიზის 49%-ის გასხვისების გადაწყვეტილებას საბჭომ მწვანე შუქი აუნთო და ლაპორტა ამის სისრულეში მოყვანას შეუდგა. თანხის ახალი ნაკადის გაჩენა კი დანარჩენი სამიზნეების გაფორმებას დაეთმობა.
„ბარსამ“ 5 ხმაურიანი ტრანსფერი უკვე განახორციელა. კუნდე „სევილიადან“, კრისტენსენი „ჩელსიდან“, ფრანკ კესი „მილანიდან“, რობერტ ლევანდოვსკი „ბაიერნიდან“ და რაფინია „ლიდსიდან“ – გუნდმა 153 მილიონი ევრო დახარჯა, თუმცა ჩავის კიდევ სამი ფეხბურთელის დამატება სურს.
![](https://avoe.ge/wp-content/uploads/2022/10/FYu9F2vWAAIBRfG.jpg)
![](https://avoe.ge/wp-content/uploads/2022/10/FZDncWWXoAMO3F1.jpg)
„ჩელსის“ ფლანეგელები – ასპილიკუეტა და მარკოს ალონსო, ასევე ბერნარდუ სილვა „სიტიდან“ და 100 მილიონი, სწორედ ამ ტრანსფერებისა და მოთამაშეების დასარეგისტრირებლადაა საჭირო.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
![](https://avoe.ge/wp-content/uploads/2022/10/FZFwPFzXkAAKZf3-1024x576.jpg)
ჰო, ფრენკი დე იონგს აბარგება გადაწყვეტილი აქვს და ძალიან კი ჯანჯლავენ, თუმცა 25 წლის ნახევარმცელის შემკავებელს „ბარსა“ არ ჰგავს.
![](https://avoe.ge/wp-content/uploads/2022/10/FZIsn2MXoAA4py8-1-1024x683.jpg)
ნაგელსმანის სიტყვები გაიხსენეთ: „ერთადერთი გუნდი მსოფლიოში, რომელსაც ფული არასდროს აქვს, მუდამ ვალებშია, მაგრამ ყველაზე მეტს ხარჯავს“ – ადრესატს გამოიცნობთ.
GIPHY App Key not set. Please check settings