ფაბრიციო რომანოს თქმით, „ჩელსი“ და „ლიდსი“ რაფინიას თაობაზე შეთანხმებას უახლოვდებიან. 60 მილიონი გირვანქა და 5 წლიანი კონტრაქტი გამზადებულია, მაგრამ დეტალები დასაზუსტებელია სანამ ვიტყვით, რომ ტრანსფერი შედგა.
![](https://avoe.ge/wp-content/uploads/2022/10/FWXUSdzXgAIYkps-1024x682.jpg)
ფრანგული პრესისა და ფაბრიციო რომანოს მონაცემებით, კრისტოფ გალტიე რენატუ სანჩესს „პსჟ“-ში წაიყვანს. ყველაფერი გადაწყვეტილია, მაგრამ პარიზული გუნდის გულშემატკივარს მილან შკრინიარის ამბავი უფრო აინტერესებს. ცენტრალური მცველის თაობაზე მოლაპარაკებები დაწყებულია.
![](https://avoe.ge/wp-content/uploads/2022/10/FWa2TbdXkAEQlnk-1024x682.jpg)
რომელუ ლუკაკუმ საწადელი აიხდინა და „ინტერში“ დაბრუნდა, ოღონდ 1 წლით. 7 მილიონიანი საიჯარო ხელშეკრულება შედგა. ასევე, ლუკაკუმ ხელფასი საგრძნობლად დაიკლო, რათა „ინტერში“ დაბრუნებულიყო. „ინტერის“ ულტრასთა ნაწილმა ლუკაკუს ტრანსფერს ბოიკოტი გამოუცხადა, რადგან ზუსტად 1 წლისწინ რომელუ „ჩელსიში“ გადავიდა.
![](https://avoe.ge/wp-content/uploads/2022/10/FWa-154acAEvlUE-1024x1024.jpg)
ისევ ფაბრიციო რომანო. „ბარსელონას“ მემფის დეპაის გასხვისება უწევს. 27 წლის ნიდერლანდელი ჩავის ძალიან მოსწონს, მაგრამ გუნდში უმძიმესი ფინანსური სიტუაციაა და იმის გათვალისწინებით, რომ დეპაის კონტრაქტი 1 წლის შემდეგ უმთავრდება, „ბლაუგრანას“ ურჩევნია მის სანაცვლოდ გარკვეული თანხა აიღოს, რადგან ახალი კონტრაქტის გასაფორმებლად საკმარისი სახსრები არ არსებობს.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
![](https://avoe.ge/wp-content/uploads/2022/10/FWa87KmWIAI-ed7-1024x682.jpg)
„ატლეტიკის“, „სქაის“; „ბბს“ და ფაბრიციო რომანოს ცნობით, „ტოტენჰემმა“ რიშარლისონის თაობაზე მოლაპარაკებები დაიწყო. „ევერტონი“ დაახლოებით ისეთივე სიტუაციაშია, როგორშიც „ბარსა“. 1 კვირაში უნდა გამოქვეყნდეს 4 წლის ფინანსური ანგარიში და „ევერტონი“ დიდ მინუსშია, შესაბამისად, ფინანსურ ტრიბუნალთან წარსდგომა რეალურია, რამაც შესაძლოა ლივერპულური გუნდი ჩემპიონშიფში დააქვეითოს. ჰოდა, რიშარლისონის სანაცვლოდ აღებული 60 მილიონი ყველა პრობლემას გადაწყვეტს. ჯერ გადაწყვეტილი არაფერია.
![](https://avoe.ge/wp-content/uploads/2022/10/FWY6wavWYAA_RkH.jpg)
“მანჩესტერ იუნაიტედი” ტაილერ მალასიას ტრანსფერს ხურავს. ნიდერლანდური პრესის ცნობით, “იუანიტედი” “ფეიენოორდთან” საქმის სწრაფად მოგვარებას ცდილობს. 22 წლის მალასია ამპლუით მარცხენა მცველია. ტრასნფერი მალე გაოფიციალურდება.
![](https://avoe.ge/wp-content/uploads/2022/10/FWWhC1nWYAA3QHp.jpg)
GIPHY App Key not set. Please check settings