in

ბარსას ბავშვებმა ზეიმი მოაწყვეს, ბებრები კი იგინებიან – XVIII ტური

ესპანეთში კარგი მატჩები გამოვიდა. მოულოდნელად გაჩერდა “რეალი”, რომელმაც კი დაბომბა აუტსაიდერთაგანი “კადისი”, მაგრამ ბურთი კარის ბადეში მაინც ვერ გახვია. ისე, გაგიკვირდებათ და აზარმა 90 წუთი ითამაშა.

უფრო საინტერესო სხვა წყვილები გამოდგა.
ყველაზე საინტერესო იყო “სევილიას” მოგება “ატლეტიკოსთან”, რომელშიც ვერმოთამაშე სუარესი მწვრთნელმა შეცვალა და ამის გამო ურუგვაელმა სიმეონე გამოლანძღა, ამბობენ, აგინაო. “სევილიამ” კი 89-ე წუთზე გატანილი გოლით აიღო 3 ქულა და ახლა მე-2 ადგილზე მყარად ზის. სხვათა შორის, ლიდერი “რეალის” დამრიგებელმა კარლო ანჩელოტიმ ლა ლიგაში მთავარ კონკურენტად სწორედ “სევილია” დაასახელა: “ოსტატური გუნდი, მშვენიერი გულშემატკივრები”.

ისე, უკვე ხვალ, 21 დეკემბერს, “სევილია”-“ბარსელონაა”.

This image has an empty alt attribute; its file name is 4ef83f9614063147060f5d6162b92ad7o2-1024x569.jpg

მე-3 ადგილზე “ბეტისია”, რომელიც ბილბაოში კი იგებდა, მაგრამ მერე ორჯერ გაუშვა, გადამწყვეტი მიწურულს და მნიშვნელოვანი ქულები დაკარგა.

This image has an empty alt attribute; its file name is 000_9UY4BL.jpg


მარცხებს მოუხშირა ერთ დროს ლიდერთაგანმა “სოსიედადმა”, ახლა შინ “ვილიარეალს” დაუთმო და ეს ზედიზედ მე-4 წაგებაა.

This image has an empty alt attribute; its file name is fdf3fe62bd216b946285b70cf64a4188o2-1024x569.jpg

უნდა ითქვას “ბარსელონაზეც”. ჩავის გუნდი 20 წუთში 2:0-ს იგებდა, მაგრამ მეორე ტაიმის შუაში, 2 წუთში 2-ჯერ გაუშვა და თამაში 5 წუთით ადრე გადაარჩინა. „ბარსელონამ“ ბოლო 4 მატჩიდან პირველად მოიგო. 17 წლის გავი და 22 წლის ჟუტგლამ კი სადებიუტო გოლები გაიტანეს.

This image has an empty alt attribute; its file name is 2021-12-18_FCBvsELX_18-1024x640.jpg

ანჩელოტი: “რეალი” იმსახურებდა 3 ქულას. არ გვეყო შეტევაში ოსტატობა”.

“რეალმა” 36-ჯერ დაურტყა “კადისს” და ბურთის ფლობა 81.95% ჰქონდა – 2005/06 წლების სეზონის შემდეგ საუკეთესო მაჩვენებელია.

შეწყდა “რეალის” ზედიზედ 10-მატჩიანი მოგებათა სერია.

ივან რაკიტიჩს 56 გოლი აქვს ლა ლიგაში. ხორვატებს შორის უფრო მეტი დავორ შუკერს გაუტანია – 114.

“გრანადას” ხორხე მოლინა ტოპ ლიგებში ყველაზე ასაკოვანი ფეხბურთელია, რომელმაც ჰეთ-თრიქი შეასრულა. მოლინა თითქმის 40 წლისაა.

„ბარსელონამ“ „ელჩესგან“ გოლი პირველად გაუშვა 1978 წლის შემდეგ.

ფერან ჟუტგლამ “ბარსელონას” სადებიუტო მატჩში უკვე 16 წუთში შეაგდო გოლი. ეს 21-ე საუკუნეში მესამე ყველაზე სწრაფი გოლია დებიუტანტისთვის.

17 წლის და 135 დღის გავი ყველაზე ახალგაზრდა მეგოლეა ტოპ 5 ლიგაში მიმდინარე სეზონში.

ჩავი: „ამ სიტუაციაში სამ ქულას ოქროს ფასი ადევს. გუნდს ესმოდა თავისი უპირატესობა, კარგად ვითამაშეთ“.

“ატლეტიკოს” ლუისს სუარესს ზედიზედ მე-7 თამაშია გოლი ვერ გააქვს, რაც მისი ყველაზე ცუდი მშრალი სერიაა ესპანეთში.

ბოლო 5 წუთში გაშვებული გოლების გამო “ატლეტიკომ” 6 ქულა დაკარგა, “კადისმა” – 7.

„ატლეტიკომ“ ლა ლიგაში ზედიზედ 3 თამაში წააგო. ასეთი რამ 2011 წლის მერე არ მომხდარა.

ლა ლიგა – XVIII ტური

სელტა – ესპანიოლი 3:1
რაიო ვალეკანო – ალავესი 2:0
სოსიედადი – ვილიარეალი 1:3
ბარსელონა – ელჩე 3:2
სევილია – ატლეტიკო 2:1
გრანადა – მალიორკა 4:1
ბილბაო – ბეტისი 3:2
ხეტაფე – ოსასუნა 1:0
რეალი – კადისი 0:0

ორშაბათი, 20 დეკემბერი
ლევანტე – ვალენსია

ავტორი Vakhtang Daraselia

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Loading…

0