იტალიაში ტური შუა კვირაში გაიმართა და რამდენიმე დღეზე გადანაწილდა. რაიმე გამორჩეული წყვილი არ ყოფილა, ლიდერებს თავისი უპირატესობის დამტკიცება სხვა გუნდებთან უწევდათ და ყველამ წარმატებით ჩააბარა, „ნაპოლის“ გარდა. ნეაპოლელები მეორე ტაიმში 2 ბურთით იგებდნენ, მაგრამ გამარჯვება ხელიდან გაუშვეს, მეტიც, „სასუოლოს“ 93-ეზე გოლი არ ჩაუთვალეს.
![This image has an empty alt attribute; its file name is Fabian-Ruiz-goal-1024x685.jpg](https://avoe.ge/wp-content/uploads/2022/10/Fabian-Ruiz-goal-1024x685.jpg)
პირიქით, კარგი იყო „მილანი“, რომელსაც 3 მატჩი ვერ მოეგო და აქედან ბოლო 2 წაგებული ჰქონდა. „მილანელებმა“ თავისი ყოფილი ვარსკვლავის შევჩენკოს „ჯენოა“ ულაპარაკოდ დაამარცხეს. ისევ გაიტანა იბრაჰიმოვიჩმა.
სხვათა შორის, გუნდის მწვრთნელმა სტეფანო პიოლიმ ახალი კონტრაქტი გააფორმა: „მარტო ზლატანმა მომილოცა ახალი კონტრაქტი. დაწერა: „ახლა ჩემიც მოაგვარეთ“ – თქვა მწვრთნელმა და კომენტარი ამ საკითხზე თავად იბრამაც გააკეთა: „რადგან პიოლიმ გააგრძელა, მეც გავაგრძელებ“.
პირველ ადგილზე ისევ „ნაპოლია“ (36 ქულა), 1 ქაულით ჩამორჩება „მილანი“ და უკვე იქვეა „ინტერი“ (34), რომელსაც საუცხოო პერიოდი აქვს, ისევე როგორც „ატალანტას“, რომელიც ყველას ამარცხებს და ზედიზედ მეოთხედ მოიგო. პაშალიჩმა სამჯერ გაიტანა.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
![](https://avoe.ge/wp-content/uploads/2022/10/Mario-Pasalic-goal-behind-1024x682.jpg)
საინტერესო ამბები მოხდა რომში, “ლაციოსა” და “უდინეზეს” შეხვედრა იშვიათი ანგარიშით დასრულდა – 4:4. ეს პირველი ასეთი ფრეა სერია ა-ში 9 წლის განმავლობაში. რაც შეეხება მატჩს, არბიტრმა მეორე ტაიმში ჯერ “ლაციოს” გაუგდო კაცი, მერე “უდინეზეს” და დამატებულ მე-10-წუთზე (!) კიდევ ერთი გააგდო სტუმართა მხრიდან. “უდინეზემ” კი ანგარიში 99-ე წუთზე გაათანაბრა.
![](https://avoe.ge/wp-content/uploads/2022/10/uHH5mXAUQvxiiWy.jpg)
სპალეტი: „ნაპოლი“ ვერ გაუმკლავდა ბოლოსკენ „სასუოლოს“ შეწოლას“.
„ინტერმა“ ზედიზედ მეოთხედ მოიგო, გუნდი უკვე 10 მატჩია არ აგებს.
ინძაგი 6-დან 5 მოგებაზე: „უნდა გავაგრძელოთ, „მილანი“ და „ნაპოლი“ სვლას არ უკლებენ“.
იბრაჰიმოვიჩმა პიოლის რეკორდი გაიმეორა, 38 წლის ასაკის შემდეგ სერია ა-ში 31 გოლი გაიტანა.
იბრაჰიმოვიჩმა „ჯენოას“ ჯარიმიდან გაუტანა . 40 წლის ფორვარდს 6 გოლი აქვს ჩემპიონატის 9 მატჩში.
„რომას“ 8 მოგება, 1 ფრე და 6 წაგება დაუგროვდა მოურინიოს ხელში.
ვლაჰოვიჩი სერია ა-ს ისტორიაში მე-4 ლეგიონერია, რომელმაც ერთ წელიწადში 29 გოლი გაიტანა.
„ატალანტა“ არ აგებს 9 მატჩია – 5 მოგება და 4 ფრე.
შევჩენკოს „ჯენოას“ 2 წაგება და 1 ფრე აქვს, ბურთების სხვაობა – 0:5.
„იუვენტუსმა“ ზედიზედ 2 მატჩი მოიგო სტუმრად მშრალად პირველად 2019 წლის თებერვლის შემდეგ“.
დიბალამ სერია ა-ში 24 გოლი გაიტანა საჯარიმოს გარედან – 2014/15 წლების სეზონის შემდეგ ყველაზე მეტი.
მორატამ სერია ა-ში პირველად გაიტანა 10 მატჩში.
ალეგრი: “ვალების დაბრუნების დროა. „იუვენტუსმა“ ძალიან ბევრი ქულა დაკარგა“.
![](https://avoe.ge/wp-content/uploads/2022/10/Alvaro-Morata-goal-1-1024x682.jpg)
სერია ა – XV ტური
ფიორენტინა – სამპდორია 3:1
ატალანტა – ვენეცია 4:0
ვერონა – კალიარი 0:0
სალერნიტანა – იუვენტუსი 0:2
ბოლონია – რომა 1:0
ინტერი – სპეცია 2:0
ჯენოა – მილანი 0:3
სასუოლო – ნაპოლი 2:2
ტორინო – ემპოლი 2:2
ლაციო – უდინეზე 4:4
GIPHY App Key not set. Please check settings