შევჩენკო და პოლონეთი გამოვიდა: უკრაინელს რუსეთთან ომი ელოდება

„ჯენოადან“ ახალგაშვებული მწვრთნელი ანდრეი შევჩენკო დათანხმდა პოლონეთის ნაკრები ჩაიბაროს.

პოლონეთის საფეხბურთო კავშირმა და უკრაინელმა სპეციალისტმა კონტრაქტის ყველა პირობა შეათანხმეს.

უკრაინელი წლიურად 2.5 მლნ ევროს მიიღებს. ნაწილს საფეხბურთო კავშირი გადაიხდის, ნაწილს – სპონსორები.

დარჩა „ჯენოასთან“ კონტრაქტის ნიუანსების შეთანხმება. შეგახსენებთ, შევჩენკო გენუურ კლუბში კონტრაქტით დარჩა, უბრალოდ საქმეს ჩამოაშორეს. უკრაინელი კლუბში ხელფასს მანამ აიღებს, სანამ ხელშეკრულებას არ გაწყვეტს.

შესაძლოა პოლონელებმა შევჩენკო ოფიციალურად 31 იანვარს წარადგინონ.

პოლონეთს 24 მარტს მსოფლიო ჩემპიონატზე გასასვლელი უმნიშნელოვანესი თამაში უწევს რუსეთთან.