Vakhtang Daraselia
ილია თოფურია 2025 წელს UFC-ში შესრულებული საუკეთესო ნოკაუტის ავტორი გახდა, – ამის შესახებ ორგანიზაციამ საკუთარ გვერდზე დაწერა.
ჩარლზ ოლივეირას წინააღმდეგ ნოკაუტი თოფურიამ 2025 წლის ივნისში შეასრულა და აღნიშნული გამარჯვებით UFC-ს მსუბუქი დივიზიონის (70კგ) საჩემპიონო ქამარს დაეუფლა. სწორედ ამ დღეს ის ისტორიაში მეათე მებრძოლი გახდა, რომელმაც მეორე წონის ქამარი მოიპოვა – მანამდე ის ქვემსუბუქი დივიზიონის (65კგ) ჩემპიონიც იყო.
„2026 წლის საუკეთესო ნოკაუტის ავტორიც მე ვიქნები“, – ასე გამოეხმაურა თოფურია მორიგ აღიარებას.
ამჟამად 28 წლის ქართველ მებრძოლს შეხვედრა ჩანიშნული არ აქვს. მისი დაბრუნება 2026 წლის გაზაფხულის ბოლოს ან ზაფხულშია მოსალოდნელი. რაც შეეხება მეტოქეს, სავარაუდოდ, თოფურია მსუბუქი წონის დროებითი ქამრის მფლობელს – ჯასტინ გეიჯის ან პედი პიმბლეტს შეხვდება.
1tv.ge
GIPHY App Key not set. Please check settings