გოჩოლეიშვილი გააძევეს და საგოლე პასიც გააუქმეს: ჰამბურგმა დერბი წააგო

გერმანიის ბუნდესლიგის მეორე ტური უიღბლო გამოდგა გიორგი გოჩოლეიშვილისთვის: ქართველი ფეხბურთელი გააძევეს – „ჰამბურგმა“ კი ჰამბურგულ დერბიში „სანკტ პაულს“ უმასპინძლა და წააგო – 0:2. ეს იყო 112-ე ჰამბურგული დერბი.

ქართველი მცველი კვლავ ძირითად შემადგენლობაში იყო და ურიგოდაც არ გამოიყურებოდა. 48-ე წუთზე შესანიშნავი პასით ანგარიშიც კი გათანაბრდა, მაგრამ VAR-ის მერე გოლი არ ჩაითვალა (თამაშგარე დაფიქსირდა) და გოჩოლეიშვილის ასისტიც გაუქმდა.

გიორგიმ 77-ე წუთზე მეორე ყვითელი ბარათი მიიღო და მოედნის დატოვება მოუხდა.

შეფასებაც არ არის გასაკვირი – 4.7.

„ჰამბურგს“ 1 ქულა აქვს და მომდევნო მატჩს 13 სექტემბერს მიუნხენში „ბაიერნთან“ ჩაატარებს, რომელსაც გოჩოლეიშვილი გამოტოვებს.