შერმადინმა ბურჯანაძე დაამარცხა: როგორ ითამაშეს ჩვენებმა – ვიდეო

ესპანეთის საკალათბურთო ჩემპიონატის 29-ე ტურში ერთმანეთს ქართველების გუნდები შეხვდნენ. გიორგი შერმადინის „ტენერიფემ“ ბექა ბურჯანაძის „ლეიმა კორუნა“ დაამარცხა – 92:83.

შერმადინმა 26 წუთი ითამაშა და გუნდს 12 ქულა, 6 მოხსნა, 2 შედეგიანი პასი და 1 ჩაჭრა შესძინა. 5 ორქულიანიდან 3 ზუსტად ისროლა და ექვსივე საჯარიმო გამოიყენა.

ბურჯანაძემ 23 წუთი ითამაშა და 9 ქულა, 9 მოხსნა და 1 ჩაჭრა მიითვალა. 2 ორქულიანი ჩააგდო, ასევე 5 საჯარიმო.

„ტენერიფე“ მე-2 ადგილზეა, „ლეიმა კორუნია “ კი ბოლოზე.