მასთან ერთად ყველა მიზანს მივაღწევთ: პსჟ-ს პრეზიდენტს ხვიჩა უხარია

ხვიჩა კვარაცხელია ოფიციალურად გახდა პსჟ-ს წევრი, ჩვენიანმა ფრანგულ კლუბთან კონტრაქტი გააფორმა და მცირე კომენტარიც გააკეთა. ახალ ტრანსფერზე კომენტარი ასევე გააკეთა პარიზული კლუბის პრეზიდენტმა ნასერ ალ-ხელაიფიმ:

წარადგინეს: ხვიჩა პსჟ-ს ფეხბურთელია – ეს ოცნებაა!

„მოხარულები ვართ, მივესალმოთ ხვიჩა კვარაცხელიას „პარი სენ-ჟერმენის” ოჯახში. ის თანამედროვე ფეხბურთის ერთ-ერთი ყველაზე გამორჩეული მოთამაშეა. ფანტასტიკური ტალანტია, რომელიც მამაცი ხასიათით გამოირჩევა და პირველ რიგში გუნდისთვის იბრძვის.
მას სურდა ჩვენი დიდი კლუბის ნაწილი გამხდარიყო და ისიც ვიცი, რომ მასთან ერთად ყველა დასახულ მიზანს მივაღწევთ. გვიხარია, რომ შემადგენლობა გავაძლიერეთ და ვარსკვლავურ გუნდად ჩამოყალიბებას ვაგრძელებთ”.

კვარაცხელიას ტრანსფერის ინიციატორი სწორედ ნასერ ალ-ხელაიფი იყო და პირადად აწარმოებდა მოლაპარაკებას.