ვინ არის კვარაცხელია? ნაპოლიმ ხვიჩაზე ვიდეო გააკეთა

ხვიჩა კვარაცხელიას იტალიურ “ნაპოლიში” გადასვლა გადაწყვეტილი ამბავია. ამაზე ვინ აღარ წერს და არავინაა, ვინც დიპლომატიის ფარგლებში მაინც უარყოფს. ჩვენიანი, სახელგანთქმულ კლუბში მისვლის შემდეგ, სულ უფრო მეტ ინტერესს იწვევს ადგილობრივ გულშემატკივრებში, რომლებიც განსაკუთრებული ქომაგობითა და ფეხბურთის უზომო სიყვარულით არიან ცნობილი. სამხრეთ იტალიაში ხვიჩაზე აქამდე ბევრი არ სმენიათ და თანდათან ეცნობიან მასზე ინფორმაციებს.

ერთ-ერთმა ნეაპოლურმა საიტმა, napolipiu-მა ესპანეთის ნაკრებთან კვარცხელიას თამაშის ფრაგმენტები ამოკრიბა და ისე შეთავაზა თავის მკითხველს.

გეხსომებათ, თბილისში ხვიჩამ ესპანეთთან მშვენიერი მატჩი ჩაატარა (1:2) და პირველი ტაიმში ლამაზი გოლიც გაიტანა. მართალია ვიდეოში არ შეუტანიათ, მაგრამ მცირე სტატიაში ნახსენებია შვედეთის ნაკრების კარში გატანილი ორი გოლის შესახებაც.