ნიკოლოზ ბასილაშვილმა რომის მასტერსი დანიელ ევანსის დამარცხებით დაიწყო

საქართველოს პირველმა ჩოგანმა ნიკოლოზ ბასილაშვილმა რომის მასტერზე ასპარეზობა დამაჯერებელი გამარჯვებით დაიწყო. ტურნირის პირველ შეხვედრაში ნიკოლოზი დანიელ ევანსს დაუპირისპირდა და ორ სეტში 7:6;6:2 დაამარცხა.

დაპირისპირება 1 საათსა და 44 წუთს გაგრძელდა – ნიკოლოზმა შეხვედრაში 2 ეისის შესრულება მოახერხა. გარდა ამისა, 30 წლის ქართველის ანგარიშზე 35 ვინერსი და 36 უნებლიე შეცდომა იყო.

ნიკოლოზი, რომელიც განახლებულ რეიტინგში 25-ე პოზიციაზეა, 1/16-ფინალში ლორენცო სონეგოსა (28) და დენის შაპოვალოვს (16) შორის გამარჯვებულს დაუპირისპირდება.