სახლში თუ სახლთან: სად გაძარცვეს მიქაუტაძე

გუშინ გავრცელდა სამწუხარო ინფორმაცია, რომ „ლიონის“ ქართველი თავდამსხმელი გიორგი მიქაუტაძე საკუთარ სახლში გაძარცვეს, მაშინ, რდესაც ფეხბურთელიც შინ იმყოფებოდა.

თუმცა ფრანგულ პრესაში, კერძოდ actu.fr-ზე განსხვავებული ინფორმაცია წერია, რომელიც სავარაუდოდ უფრო სარწმუნო უნდა იყოს.

Actu Lyon-ის ცნობით, შემთხვევა კვირას მიქაუტაძის სახლთან მოხდა (პარკინგზე), როდესაც ფეხბურთელი „ნიცასთან“ მატჩის შემდეგ ბრუნდებოდა. „ლიონის“ ფორვარდს ორი კრიმინალი (კაპიუშონებითა და ხელთათმანებით) მიუახლოვდა და დაემუქრნენ. ერთ-ერთი თავდამსხმელი შეიარაღებული იყო

გავრცელებული ინფორმაციით, მძარცველებმა მიქაუტაძეს საათი და სხვა ძვირფასი ნივთები წაართვეს, რის შემდეგაც დანაშაულის ადგილიდან მიიმალნენ. შემთხვევის შედეგად თავად ფეხბურთელი არ დაშავებულა.