ვიდეო: ავსტრალია მსოფლიო ჩემპიონატზე ცეკვა-ცეკვით გავიდა

ავსტრალიის ნაკრები ყატარში პერუს შეხვდა, რომლებმაც მსოფლიო ჩემპიონატის საგზური გაითამაშეს. აზიის კონფედერაციის წარმომადგენელი კონმებოლის კვალიფიკაციის მეხუთე გუნდს ეთამაშა.

ძირითადი და დამატებითი დრო ფრედ, 0:0 დასრულდა.

ავსტრალიელებმა პენალტების სერიის წინ, დამატებითი დროის ბოლოს მეკარე შეცვალეს. ენდრიუ რედმეინი პენალტებისას ორიგინალურად იქცეოდა, მუდმივად ცეკვავდა და კარის ხაზზე დახტოდა.

საბოლოოდ, ავსტრალიამ გამარჯვება მოიპოვა – 5:4.

ავსტრალია ყატარის მუნდიალზე D ჯგუფშია დანიასთან, საფრანგეთთან და ტუნისთან ერთად.

ამრიგად, დარჩა ბოლო მონაწილე გასარკვევი. ბოლო პლეი-ოფში ერთმანეთს კოსტა რიკა და ახალი ზელანდია დღეს შეხვდებიან.

მსოფლიო ჩემპიონატი ყატარში 21 ნოემბრიდან 18 დეკემბრამდე გაიმართება.