მეორე ბუნდესლიგამ დასწრებით ბუნდესლიგას აჯობა

მეორე ბუნდესლიგამ პირველად აჯობა უმაღლეს ლიგას დასწრების მხრივ.

“კიკერი” ამბობს, რომ მეორე ბუნდესლიგის 22-ე ტურს საერთო ჯამში 284 643 მაყურებელი დაესწრო. ყველაზე დიდი აუდიტორია შეკრიბა “შალკესა” და “ვეენის” შეხვედრამ (1:0) – 60 542 გულშემატკივარი.

ბუნდესლიგის წინა ტურში კი ანალოგიურმა მაჩვენებელმა შეადგინა 261 099 მაყურებელი. ყველაზე კარგი დასწრება დაფიქსირდა “კიოლნისა” და “ვერდერის” შეხვედრაში – 50 ათასი.

გერმანიის უმაღლესი დივიზიონის მატჩებზე საშუალო დასწრება შეადგენს 39 068 მაყურებელს, ხოლო მეორე ლიგაში – 28 358 მაყურებელს.