ჩაკვეტაძემ პენალტი აიკიდა, უოტფორდი ლიდერთან დამარცხდა

ჩემპიონშიფის 31-ე ტურში „უოტფორდი“ შინ ლიდერ „ლესტერთან“ დამარცხდა – 1:2.

გიორგი ჩაკვეტაძე ისევ ძირითადში იყო და საკმაოდ უიღბლოდ დაიწყო. მე-10 წუთზე საკუთარ საჯარიმოში მეტოქე წააქცია და სტუმრებმა პენალტით გახსნეს ანგარიში.

ჩაკვეტაძე 72-ე წუთზე შეცვალეს.
მისი თამაში ანალიტიკურმა საიტებმა არცთუ მაღალი ქულებით შეაფასეს: sofascore – 6.4; whoscored – 5.9; flashscore – 5.8.

„უოტფორდმა“ 41 ქულით მე-11 ადგილზეა და 13 თებერვალს სტუმრად „ნორვიჩს“ შეხვდება.

უოტფორდი – ლესტერი 1:2
გოლები: 0:1 დაკა (11, პენ), 0:2 რიკარდო პერეირა (55), 1:2 დენისი (63)