ბუდუს და კარლსრუეს წაუგებელი სერია შეწყდა

მეორე ბუნდესლიგაში ბუდუ ზივზივაძის „კარლსრუე“ ბრაუნშვაიგის „აინტრახტს“ ესტუმრა და 0:2 წააგო. ქართველი თავდამსხმელი ძირითადში იყო და 72-ე წუთზე შეცვალეს. მისი შეფასება 6.2-ია.

ზივზივაძეს პირველივე წუთზე ჰქონდა შანსი, მაგრამ მცველი გადაეფარა და ბურთი კუთხურზე მოიგერია.

ასე შეწყდა „კარლსრუეს“ 8-მატჩიანი წაუგებელი სერია (4 მოგება და 4 ფრე).

„კარლსრუე“ 21 ტურის შემდეგ 28 ქულით მე-10 ადგილზეა და 17 თებერვალს „ფორტუნას“ უმასპინძლებს.

აინტრახტი – კარლსრუე 2:0
გოლები: 1:0 კურუჩაი (13, პენ), 2:0 ბიჩაკჩიჩი (75)