ბარსელონამ ყიდვა-გაყიდვა არ იცის: ამ გუნდებმა ყველაზე მეტი ფული დაკარგეს

CIES-მა დაასახელა კლუბები, რომლებმაც სატრანსფერო ბაზარზე ყველაზე მეტი ფული დაკარგეს ბოლო 10 წელიწადში.

სპორტული კვლევების საერთაშორისო ცენტრმა დაითვალა, რომ 2014-დან 2023 წლამდე პერიოდში „ბარსელონამ“ 1244 მლნ ევროს ფეხბურთელები იყიდა და 613 მლნ-ის გაყიდა. ეს ყველაზე უარესი შედეგია მსოფლიოში.

საკუთარი აღსაზრდელების გაყიდვა არ მიიღება მხედველობაში, მხოლოდ იმ ფეხბურთელებზეა საუბარი, რომლებიც სხვა გუნდებიდან გადავიდნენ.

ტოპ 15 ასეთი გამოვიდა.:

1. „ბარსელონა“ (სატრანსფერო ბაზარზე შემოსავლებსა და გასავალს შორის სხვაობა – მინუს 631 მლნ ევრო).
2. „ჩელსი“ (-483).
3. „არსენალი“ (-436).
4. პსჟ (-410).
5. „მანჩესტერი“ (-328).
6. „მილანი“ (-298).
7. „ასტონ ვილა“ (-256).
8. „ევერტონი“ (-251).
9. „ლივერპული“ (-249).
10. „იუვენტუსი“ (-219).
11. „კრისტალ პალასი“ (-207).
12. „რეალი“ (-199).
13. „ტოტენჰემი“ (-190).
14. „ვესტ ჰემი“ (-183).
15. „ინტერი“ (-168).