მაკრონის ცოლმა დეშამს უთხრა რატომ არ იძახებს რეიმსის ფეხბურთელს: რა უპასუხა ნაკრების მწვრთნელმა

დიდიე დეშამი საფრანგეთის პრეზიდენტის ემანუელ მაკრონის ცოლს შეხვდა.

საფრანგეთის ნაკრების მწვრთნელი დაესწრო საქველმოქმედო ღონისძიებას რეიმსის უნივერსიტეტის საავადმყოფოში. Champagne TV-ის ჟურნალისტმა მას ჰკითხა, ადევნებს თუ არა თვალ-ყურს „რეიმსს“.

„არ მყავს „რეიმსის“ ფეხბურთელები, მაგრამ ვუყურებ ამ გუნდს, ისევე როგორც ყველა ფრანგულ და უცხოურ კლუბს“, – უპასუხა დეშამმა.

ბრიჟიტ მაკრონი (საფრანგეთის პრეზიდენტ ემანუელ მაკრონის მეუღლე) გამოეხმაურა მწვრთნელისა და ჟურნალისტის საუბარს: „რეიმსში“ არის იაპონელი, რომელიც ძალიან კარგად თამაშობს. შემახსენეთ რა ჰქვია?“

როდესაც ერთ-ერთმა გვერდზე მყოფმა თქვა სახელი ძუნი იტო, მაკრონი დეშამს მიუბრუნდა: „ხო, იტო. ის ძალიან კარგია. ის უნდა გამოვიძახოთ, დიდიე! რატომ არ იძახებთ?“

„იმიტომ რომ ის იაპონელია“, – უპასუხა გაღიმებულმა მწვრთნელმა.