მამარდამ კარი მშრალად შეინახა და ვალენსიამ მადრიდში მოიგო

გიორგი მამარდაშვილის „ვალენსიამ“ სტუმრად „რაიო ვალეკანო“ 1:0 დაამარცხა.

შეხვედრა დაძაბული გამოვიდა, მომენტები იშვიათად იქმნებოდა. მამარდაშვილი საქმეში მე-11 წუთზე ჩაერთო, როდესაც მასთან პირისპირ დარჩა პალასონი, ჩვენმა მეკარემ აჯობა. სხვა საქმე გიორგის ფაქტობრივად არ ჰქონია.
ერთ ეპიზოდში ბურთი ცუდად შეიტანა, რასაც, შეიძლებოდა, მასპინძელთა სახიფათო შეტევა მოჰყოლოდა.

„ვალენსიამ“ გოლი 61-ე წუთზე გაიტანა, ხოლო 90+1-ე წუთზე კაცნაკლული დარჩა. მასპინძლები შტურმზე გადავიდნენ, გიორგიმ კუთხურიდან კარში ჩახვეული ბურთი მუშტით მოიგერია და მისმა გუნდმა გაიმარჯვა.

ანალიტიკურმა საიტებმა ქართველის თამაში ასე შეაფასეს: Sofascore – 6.8, whoscored – 6.7, Flashscore – 6.7.