შენგელია სუპერია: თორნიკეს სამმაგ დუბლამდე ცოტა დააკლდა

იტალიის ჩემპიონატში „ვირტუსმა“ „დინამო სასარი“ დაამარცხა 80:66 და ამაში თორნიკე შენგელიას წვლილი უდიდესია. მას იტალიურმა პრესამ სულ სუპერი ეძახა.

ჩვენიანს ძალიან ცოტა დააკლდა სამმაგ დუბლამდე. თოკომ 30 წუთში 10 ქულა ((5-დან 3 ორქულიანი, 1-დან 0 სამქულიანი, 4-დან 4 საჯარიმო), 12 მოხსნა და 9 პასი მოაგროვა.

ეს იყო ბოლონიური კლუბის მეოთხე მატჩი და მეოთხე გამარჯვება მიმდინარე სეზონში. „ვირტუსი“ ლიდერია და 30 ოქტომბერს სტუმრად „ნაპოლის“ შეხვდება. თუმცა 27 ოქტომბერს ევროლიგაზე ფრანგული „ლიონის“ წინააღმდეგ ელის.