მთავარია ეგ ისარი მე არ მომხვდა: როგორ შეაფასეს ხვიჩა

ხვიჩა კვარაცხელიამ კიდევ ერთი კარგი მატჩი ითამაშა და ისევ გაუმწარა ცხოვრება „ვერონას“. ნეაპოლელებმა სტუმრდ 3:1 მოიგეს და ჩვენიანის წვლილი დიდია – 2 გოლი.

რა გასაკვირია, რომ ქართველმა შემტევმა მაღალი შეფასებები მიიღო:
Whoscored – 8.6; Sofascore – 8.9; Flashscore – 8.3.

ხვიჩამ ნიცას მიუძღვნა: კვარაცხელიამ დუბლი შეასრულა და ნაპოლის მოაგებინა

„ვერონასთან“ მატჩის შემდეგ, კომენტარი „ნაპოლის“ მწვრთნელმა რუდი გარსიამ გააკეთა და კვარაცხელია შეაქო:
„მნიშვნელოვანი გამარჯვება მოვიპოვეთ. მეტი გოლი უნდა გაგვეტანა. სამშაბათს ბერლინში მძიმე თამაში გველის.
„უდინეზესთან“ მატჩის შემდეგ კვარაცხელია დაბრუნდა. თავისუფლად უტევს, გოლის ნებისმიერ ფასად გატანაზე არ ფიქრობს. როდესაც ასე თამაშობს, ჩვენთვის ეს მნიშვნელოვანია. დღეს გადამწყვეტი იყო და მის გამო გახარებული ვარ.
კვარას გოლის ისრის სროლით აღნიშვნა? არ ვიცი, ამას რატომ აკეთებს, ვკითხავ.
მთავარია მისი ნასროლი ისარი არ მომხვდა“.

„ნაპოლი“ 17 ქულით მე-5 ადგილზეა და მომდევნო შეხვედრას 24 ოქტომბერს ჩემპიონთა ლიგაზე ბერლინში „უნიონთან“ ჩაატარებს.