ევრო 2028 დიდ ბრიტანეთსა და ირლანდიაში გაიმართება: ოფიციალურად 10 ოქტომბერს გამოაცხადებენ

უეფამ აცნობა, რომ თურქეთმა ევრო 2028-ის მასპინძლობაზე უარი თქვა და განაცხადი გაიტანა. შესაბამისად დარჩა ერთადერთი კანდიდატი – დიდი ბრიტანეთისა და ირლანდიის ერთობლივი განაცხადი.

თურქეთის უარი განპირობებულია იმით, რომ ეს ქვეყანა აპირებს ევრო 2032-ის მასპინძლობისთვის იბრძოლოს იტალიასთან ერთობლივად. ისე საბრძოლველიც არაფერია. ჯერჯერობით სხვა პრეტენდენტი არავინაა.

ორივე ტურნირის ჩატარების შესახებ გადაწყვეტილებას ოფიციალურად 10 ოქტომბერს გამოაცხადებენ ქალაქ ნიონში უეფას აღმასკომის სხდომაზე.

ასევე ცნობილია ევრო 2028-ის მასპინძელი ქალაქ-სტადიონებიც:

1. ლონდონი – უემბლი (90,652)
2. კარდიფი – ეროვნული სტადიონი (73,952)
3. ლონდონი – ტოტენჰემის სტადიონი (62,322)
4. მანჩესტერი – სიტის სტადიონი (61,000)
5. ლივერპული – ევერტონის სტადიონი (52,679)
6. ნიუკასლი – სენტ ჯეიმს პარკი (52,305)
7. ბირმინგემი – ვილა პარკი (52,190)
8. გლაზგო – ჰემპდენ პარკი (52,032)
9. დუბლინი – დუბლინ არენა (51,711)
10. ბელფასტი – კაზემენთ პარკი (34,500)