ინტერ მაიამის ახალი სტადიონი მილიარდად: 25 ათასი ადგილი – სასტუმროები, მაღაზიები, რესტორნები

მესის მოეწონება.

„ინტერ მაიამიმ“ ახალი სტადიონის მშენებლობა დაიწყო, რომელიც 2025 წელს გაიხსნება. სახელწოდებაა Miami Freedom Park.

ლეო მესის მოუწევს ჯადოქრობები კიდევ უფრო თანამედროვე და ლამაზ ადგილზე აკეთოს.

25-ათასიანი არენა მაიამის აეროპორტის სიახლოვეს გამოჩნდება. ახლა გუნდი თამაშობს „დრაივ პინკზე“, რომელიც 21 ათასს მაყურებელს იტევს და ქალაქის ცენტრიდან 50 კმ-შია.

Miami Freedom Park მარტო სტადიონი არ არის, არამედ თანამედროვე გარემოცვა. იქვე იქნება 235 ათასი კვ/მ ფართობის საზოგადოებრივი პარკი, ყველაზე დიდი მაიამიში. სტადიონი კომპლექსის ტერიტორიის 10%-ზე ნაკლებს დაიკავებს.

სტადიონთან ახლოს ააშენებენ კომერციულ ნაგებობებსაც: სამ სასტუმროს 750 ოთახზე, ოფისებს, მაღაზიებსა და რესტორნებს. პლუს გასართობი დაწესებულებები და ღირსშესანიშნაობები.

ახალი არენა და გარშემო ტერიტორია დაახლოებით მილიარდი დოლარი დაჯდება. მშენებლობა კერძო წყაროებიდან ფინანსდება.