მიქაუტაძე სიმბოლურში კიდევ ერთმა გამოცემამ შეიყვანა

გიორგი მიქაუტაძე ლიგა 2-ის საუკეთეოს ფეხბურთელი გახდა და ბუნებრივია წლის სიმბოლურ ნაკრებშიც შეიყვანეს. თუმცა შეჯამებები და აღიარება გრძელდება და „მეცის“ ქართველი თავდამსხმელი ამჯერად სიმბოლურ ნაკრებში Ouest-france-მა დაასახელა.

აღსანიშნავია, რომ ეს გამოცემა ტურის სიმბოლურ გუნდს მთელი სეზონის განმავლობაში ადგენდა. ჩემპიონატის ბოლოს კი თერთმეტი საუკეთესო გამოარჩია.

მიქაუტაძემ აწგასრულებულ სეზონში 23 გოლი გაიტანა და 8 საგოლე პასი გააკეთა, ანუ ჯამში 31 შედეგიანი მოქმედება. „მეცმა“ კი სეზონში 61 გოლი გაიტანა და გამოდის, რომ ქართველი ფეხბურთელი გუნდის მიერ გატანილი გოლების დაახლოებით ნახევარში მონაწილეობდა.