ნოლე ნახევარფინალშია! მენტალური მონსტრი, რომლის გატეხვაც შეეუძლებელია

ნოვაკ ჯოკოვიჩი, რომ ყველა დროის ერთ-ერთი საუკეთესო ჩოგბურთელია ეს ვიცით. ბოლობოლო, კაცს 20 დიდი სლემი აქვს მოგებული და, მხოლოდ რაფაელ ნადალს ჩამორჩება. გუშინ კი ნოვაკ ჯოკოვიჩის ცხოვრებაში მორიგი, ფანტასტიკური დღე აღიბეჭდა.

უიმბლდონის ¼ ფინალში ნოლე იტალიელ იანიკ სერის შეხვდა. სხვათაშორის, სერიმ წინა წრეში კარლოს ალკარასი გაამგაზვრა შინისაკენ და 20 წლის მოთამაშე დიდებული კარიერის საწყისებშია.

ჯოკომ პირველი სეტი 5:7 დათმო, რასაც კიდევ უფრო მძიმე მეორე სეტი მოჰყვა, როცა სერბი 2:6 განადგურდა. აბსოლოტურმა უმრავლესობამ გადაწყვიტა, რომ ჯოკომ მატჩი დათმო გულშემატკივრებმა დაიწყეს მისი გამხნევება მაქსიმალურად, თუმცა გამარჯვება ძალიან რთულად წარმოსადგენი იყო.

ჯოკო, რისი ჯოკოა ეს რომ არ გაკეთებინა? ზედიზედ სამი სეტი 6:3, 6:2, 6:2 მოიგო და ნახევარფინალში გავიდა!

მენტალური მონსტრი, რომლის ბოლომდე გატეხვაც, უბრალოდ ირეალურ სცენარშია შესაძლებელი. მისი მომდევნო მეტოქე ბრიტანელი ნორიე იქნება, რომელმაც გუშინ გოფინს ასევე 3:2 მოუგო.